由趙善恆（恆仔）、張沛樂（沙律）、鄧月平、張建聲、岑珈其等主演的新片《#PTGF出租女友》將於下周上映。繼《向西聞記》後，沙律再度飾演一名PTGF，雖然職業相同，但今次角色比較巴渣、剛烈，除了有飲酒戲，還有打鬥場面。
有場戲講述沙律和恆仔邊飲酒邊傾偈，沙律就飲真酒讓自己更入戲，「劇組有問拍呢場戲少少哋飲啤酒係咪ok，我話冇問題，入戲啲，飲酒同飲茶唔同feel，啤酒唔會咁易醉，我都飲得嘅。」兩人在《#PTGF》有不少對手戲，不過沙律賣關子沒透露戲中關係，「我哋好親密但冇親熱關係，講太多唔好啦，入場睇啦。」
原來沙律以前有打拳，又玩過武術堂，所以拍一幕「動作戲」時打得似模似樣，亦相當兇狠，她笑說：「見到我有啲身手係咪？我好開心自己有身手，我一直期待自己有動作場面，剪片後睇落感覺好型，一定冇專業咁勁，但有少少動作戲都開心。」
戲中她要擸煙灰缸擊向一位男演員，劇組特別帶來三個膠製煙灰缸，豈料她連續打爛兩個，於是劇組人員提醒再打爛就要用真煙灰缸，沙律說：「對手係呆咗望住我，好驚，話『你唔好呀！』但最後佢冇受傷，我又冇撞瘀嘅。」
