【Viu】MIRROR同ERROR加埋16位成員，吸金力向來強勁，其實佢哋都好有生意頭腦，除咗自家品牌外，大表哥Stanley同肥仔最近仲投資舞蹈學校Prodance，荃灣分校將會喺7月2號開幕，呢對「肥高Bosses」仲會定期坐陣教跳舞，嘩，各位想報名的話，真係唔使急最緊要快喇！
雖然大表哥同肥仔都「唔係賣飛的」，但佢哋同樣係賣舞嘅，噚晚佢哋就Cover咗PSY featuring SUGA@BTS嘅Hit歌《That That》，大表哥仲以韓仔腔講：「同我一齊跳舞！」又學足PSY同SUGA鬼馬對望，好鬼Funny呀！而一向被指同PSY撞樣嘅肥仔就話：「Prodance班友竟然話我似PSY？但我想講，其實係PSY似我多D！佢哋仲挑戰我同Stanley cover 'That That'，好吖～即刻嚟囉！」
其實「肥高Bosses」未入行前都係跳舞老師，亦有一齊教班同拍片，所以真係行家一出手便知有沒有。小編最心心眼嘅係大表哥完美嘅Body，跳起舞上嚟真係有啲韓國天王Rain嘅影子㗎，臨尾仲要單眼添呀！救命呀！
