【A&M Diary】今日同A姐去銅鑼灣買啲家庭日品，喺返屋企之前，我哋都決定食咗嘢先。買到一袋二袋，最緊要就係坐得舒舒服服啦！所以我哋去到Fashion Walk搵嘢食，路過MOO MOO Plus被佢嘅美食香味深深吸引，再望吓價錢又唔算貴，加上餐廳以英倫風設計，而且廚房採半開放式設計，感覺好舒服喎！另外，呢度有吧台又有梳化位，同朋友飲吓酒傾吓計都唔錯。
炸魷魚
即叫即炸，所以夠晒熱辣辣，又非常香脆！炸魷魚有鬚又有圈，唔知你又鍾意食邊個多啲呢？食嘅時候記住點埋個沙律醬，好match呀！
MM+雞搥
雞搥有唔同份量，我哋2個人就叫咗6隻，同樣係即叫即炸，夠晒脆卜卜！而醬料一次過有齊四款：松露醬、水牛城醬、蜂蜜芥末醬，同我最鍾意嘅芥末蛋黃醬，少少辣，好惹味。
