【Viu】Alfred許廷鏗今日出戰《第一屆新城慈善羽毛球賽》，同早前升任CEO嘅馬浚偉、Eric Kwok對賽，仲論盡圈中波友嘅特質，踢爆馬仔可以狂打4個鐘羽毛球，十足十唱K嘅「咪霸」一樣；Fatboy@ERROR就似足「電兔」滿場飛！
講到神隱兩年嘅好友鄭欣宜終於復出，Alfred笑言欣宜從來唔陪自己做運動，淨係會陪食，早排都有約欣宜食飯慶祝生日。不過，Alfred表示欣宜冇透露過會參加內地歌唱比賽，自己都相當驚訝，但相信好友係經過深思熟慮先決定，亦有慰問欣宜受傷一事，期待見到更有自信嘅欣宜！
笑問見到欣宜清減咗唔少，會唔會激勵到佢修吓身呢？Alfred就發揮「地獄」本色話：「正呀！但佢有空間瘦啲！哈哈！」體重呢個話題仲蔓延到去Jer@MIRROR身上，仲以「Bulk界始祖」嘅身份去「叮囑」阿Jer，想知就睇足本訪問啦！
