【Viu】Phoebus吳啟洋最近首次為動畫《蠟筆小新劇場版：超華麗！灼熱的春日部舞者》配音，聲演來自印度嘅「烏魯夫」，仲自度Signiture印度腔，好生鬼㗎！
不過，Phoebus自言現實中似足小新，經常做一啲「小學雞」行為，仲笑認同小新一樣鍾意靚姐姐添！嘩！咁True又真係好似小新喎！至於P1X3L兩位隊友Marco同George又似邊位同學仔呢？聽Phoebus親自講解啦！
由《全民造星II》出道至今4年幾，擁有冠軍頭銜嘅Phoebus，總被外界認為欠缺運氣，未能好似師兄姜濤或者同屆亞軍MC一樣，一炮而紅，但Phoebus坦言人人嘅際遇都唔同，姜濤同MC亦付出咗好多努力，入得行當然想大紅大紫，惟有繼而裝備自己，例如做Gym操肌、學唱歌、學戲去迎接機會。想聽聽Phoebus心底話，記得loop爆呢個訪問喇！
