【Viu】陳慧琳一連10場《陳慧琳Season 2萬人結界演唱會》今晚舉行尾場，嘉賓兩連發為各位觀眾送上驚喜，先有馮德倫與雷頌德嘅組合Dry「世紀合體」唱出《紀念日》，勾起全場集體回憶！
其後Kelly再邀得「快歌始祖」草蜢登場，仲襯到絕齊齊著白衫，Kelly笑言似足婚紗，仲搞Gag話可以一次過嫁三個老公好著數！今次亦係蔡一傑自去年10月完成腦瘤手術後，首次公開現身，傑仔佢憶述今年4月公佈曾經患病嘅消息後，Kelly係第一個問候自己嘅人，仲讚佢就算光頭都咁型仔，有情有義！
Kelly同草蜢合唱《熱力節拍Wou Bom Ba》同《打開天空》，草蜢仲送上新歌《老的辣》，蔡一智又趁機公佈草蜢將於明年4月再度喺紅館開騷，要Mark實Kelly做嘉賓！想睇大病初癒嘅傑仔孖阿智、蘇志威又唱又跳，盡顯「快歌始祖」風範；以及馮德倫再開金口唱歌嘅黃金畫面，記得睇現場實況喇！
現場實況：陳慧琳個唱尾場多驚喜 Dry世紀合體唱《紀念日》 蔡一傑腦瘤手術後首踏舞台 獲讚光頭都好型 蔡一智預告草蜢明年4月再襲紅館 約定Kelly做嘉賓
