【Viu】Kelly完成一連十場《陳慧琳Season 2萬人結界演唱會》後，精靈受訪，佢話最想食辛辣麵呀！Kelly自評表現滿分，老公就畀97分，咦？嗰3分去咗邊呢？Kelly就用《假天真》歌詞「七分假 三分真」嚟神回，真係So Funny呀！Kelly坦言十場夠晒喉，事關已經開始攰到頭痛，加上颱風影響，勁驚冇咗伊健做嘉賓，好彩對方改到機票咋，仲沾沾得到伊健嘅「第一次」添！
不過，原來馮德倫正正因為打風先延期離港，成功造就Dry喺尾場世紀合體，Kelly就笑言老拍檔唔係畀面自己，只係畀面好兄弟雷頌德啫！
講到大病初癒嘅蔡一傑今晚首度復出舞台，Kelly直言有擔心過對方嘅身體，但見到草蜢Full power上陣，自己深感佩服，亦承諾一定會預留檔期做草蜢紅館騷嘉賓「還債」。
此外，講到「蝦餃仔」被拍得同女伴睇騷，Kelly就澄清女方係工作人員嘅女兒，並唔係「新抱仔」，至於「蝦餃仔」有冇拍拖呢？呢位潮媽梗係識玩啦！想睇Kelly點樣爆笑回應就睇足本訪問啦！
足本訪問： Kelly沾沾奪伊健「第一次」 爆雷頌德飲啡氹掂馮德倫 老公手緊畀97分 以《假天真》歌詞「3分真」爆笑神回 完成十場騷攰到頭痛 望狂擦辛辣麵作獎勵 識做媽咪避談「蝦餃仔」拍拖：「想我死咩！」
