【Viu】蔡一傑舊年10月宣布完成切除腦腫瘤手術後一直閉關休養，前晚草蜢3子再合體，為《陳慧琳Season2萬人結界演唱會》尾場任嘉賓又唱又跳。雖然接近一年冇公開演出，最厲害係傑仔完全唔似大病初癒，知佢咩料！事後接受訪問，傑仔笑稱：「因為插咗新嘅晶片入腦，呢個晶片好犀利，令我記嘢快咗，勁過AI。」傑仔又揚言再踏舞台感覺似既緊張、又驚、又有新鮮感，似足「初戀」。
3子又透露除咗成功申請到明年4月紅館檔期外，草蜢要履行之前因傑仔患病受影響取消嘅《RE:GRASSHOPPER 演唱會》巡演補場，更預告籌備緊40周年專集添！想知就入嚟睇現場實況片啦！
現場實況： 蔡一傑沾沾開腦後勁過AI 再踏舞台似重拾初戀 草蜢全速復工 預告巡演即將補場
