【Viu】ViuTV原創劇《社畜再培訓先導計劃》講述6位社畜要到勤識小學進行再培訓計劃，同「4S班」小學生建立超越年齡嘅友誼故事，有笑有淚！
首次擔正劇集主角嘅Alton，要孖陳子豐齊齊著返小學校服，Alton慶幸幾套劇都可以扮學生，最緊要唔好影響各位觀眾「腸道健康」；子豐就自誇童顏零違和感，大家又點睇呢？而「Miss伊」林宣妤喺戲裏戲外都有老師威嚴，可以震懾一班童星，仲被拍檔形容為「冷傲退小學生」添！
有Alton同子豐兩位Talk得之人，訪問又點會冇笑位呢？Alton自爆「小學雞整蠱秘史」；子豐就最難忘帶埋囝囝嚟客串。三位除咗分享拍攝苦與樂，仲慨嘆成長嘅改變，難免有啲懷念那些年好似小學生咁勇往直前嘅自己，最爆係女神林宣妤竟然自認「機心婊」，想笑餐飽就睇專訪啦！
