【Viu】兩隊隊英超勁旅阿仙奴、熱刺呢晚喺啟德主場館上演首次海外北倫敦打吡，熱刺以1：0擊敗宿敵阿仙奴！欣賞完呢場咁精彩嘅賽事後，即刻轉場去after party，有Jer@MIRROR、「錯仔s」Dee哥、保錡，同埋Locker、胡子彤、黃溢濠！
阿仙奴鐵粉Jer有備而嚟，帶埋簽名筆會名宿基拔圖施華，雖然唔知Jer能唔能夠攞到名宿簽名，但佢就成功同基拔圖施華組隊玩遊戲，呢單嘢都贏咗100%香港人㗎！「風之子」Jer早前以球隊FC3出賽射入兩球贏波，佢謙虛多謝陳健安助攻，估唔到佢哋無論喺音樂上、球場上都咁合拍呀！
早輪見Jer喺IG Story重post舊照s，叫柳炒幫眼睇睇邊個髮型最靚仔，原來背後係關年尾演唱會事㗎！係咪好想知多少少details呢？係咪可以on schedule兩個月出一首新歌？最後佢仲賣大包透露有份度新歌MV添，會唔會導埋一份先？想知就去片啦！
足本訪問： 「阿仙奴鐵粉」Jer心心眼會名宿基拔圖施華 獲分配同team的波贏100%香港人！ 爆新look關年尾演唱會事 賣關子有份度新歌MV
