【Viu】「破·地獄組合」Michael許冠文、Michelle衛詩雅、導演陳茂賢今日出席《劇本的年代 — ⽂字→想像→影像》講座。Michael San笑言冇諗過咁多人對劇本有興趣，覺得香港電影仲有希望。大師又表示想用特朗普嘅性格做喜劇，仲預告會再寫劇本添！
現場有播《破·地獄 》片段 ，Michelle話再睇返都眼濕濕，仲有場從未曝光片段添！陳導亦表示有同老闆楊受成sell劇本，問到英皇傳財困，陳導就話冇理會傳聞。講到柯煒林確診肺腺癌第四期，Michelle話老公都好愛阿Will，對方之前仲介紹健身教練畀老公，希望大家身體健康。
而Rachel梁雍婷喺講座上有Show劇本嘅notes，但佢話就算同朱栢康係老Best，都唔會交換睇，話notes私人嘅程度就好似交換底褲著咁！笑C！二人又讚阿Will生命力強，望大家畀空間佢。想知更多就入嚟睇足本訪問片啦！
