【Viu】《全民造星II》冠軍Phoebus同《全民造星IV》冠軍Marf今日出席記者會，分別孖《全民造星VI》師弟跳唱《BAD》同《*~Silencio...Shh》，Phoebus自爆被經理人取笑似「《造星》畢業生」，搞到自覺有啲年紀，好彩一齊練舞時體能仲頂得住！Marf就踢爆呢班小鮮肉好嘈，仲嘈過COLLAR，不過見到佢哋咁有熱誠，都勾起唔少回憶，仲大方分享心得畀師弟添！
對於Marco透露P1X3L終於成為「親生仔」，Phoebus坦言安心晒，終於可以瞓覺好，仲有信心P1X3L會繼續出歌，期待值Max！而Marf就爆笑回應男友Locker撼贏古天樂同朱栢謙得到試當真頒獎禮嘅「最佳新演員」，So Sweet！
此外，大熱嘅14號Marcus、19號Dave同92號Bosco Kwan逐一分享同師兄師姐嘅合作感受，Marcus獲Phoebus傳授奪冠心得，仲話想同《全民造星》冠軍姜濤合作；Dave就爆Jer教佢哋唔好留鬚，廢事留低黑歷史；Bosco話今次綁實鞋帶免再甩鞋，仲話見到Marf心跳加速，巧Cute呀！
