【Now新聞台】截至早上11時止，過去1小時內《彭博》用戶搜尋量最多港股，依次為長和、騰訊控股、西部水泥、中芯國際、中升控股。
騰訊連日上榜，股價繼續刷新近4年高位，日前摩根士丹利唱好遊戲股，睇好會受惠於資金流出外賣相關平台，雖然網易股價已開始回套，但騰訊仍keep住有得升，重磅股之中騰訊係咪首選？
國農證券研究部投資經理方澤翹指，外賣平台市場競爭激烈，「內捲」問題嚴重，所以呢類股份表現較差，依家大市主要靠重磅股推升，當中包括騰訊，始終集團冇咁多主要競爭對手，公司本身又冇大問題，首季業績亦對辦，所以昨日(23日)突破530元關口後，今日(24日)進一步向上，一度觸及560元。
Kelvin又認為，港股應該仍未見頂，因為持續有資金流入，估計恒生指數有力升上27000點，甚至28000點水平，而騰訊可以睇之前高位，即700元水平，支持位睇530元，而呢啲優質股票不妨作中線持有。
