【Now新聞台】截至早上11時止，過去1小時內《彭博》用戶搜尋量最多港股，依次為同程旅行、友邦保險、中國人壽、澳博控股及老鋪黃金。
友邦獲摩根士丹利上調目標價，由90升至96元，公司快將派發中期成績表，大摩估計，集團新業務價值表現理想，但估計友邦唔會有新一輪回購行動，友邦股價破位後，仲值唔值得追入？
富昌證券聯席董事譚朗蔚指，友邦過去1季業績表現理想，再睇埋市帳率(PB)，佢相信，管理層唔會覺得再值得做回購，亦認為市場已預視呢個情況，Stevan認為，友邦唔需要靠回購吸引投資者，因為業績已經有足夠吸引力，又話可以等友邦見返半個月前高位，即72元水平就可以上車。
