【Now新聞台】本港穩定幣(Stablecoin)條例將於明日(8月1日)生效，並開始接受機構申請發行穩定幣，穩定幣跟一般加密貨幣有何不同？未來又會有甚麼應用場景？
本港《穩定幣條例》將於明日正式生效，到底甚麼是穩定幣，又有甚麼用途？
雖然穩定幣跟比特幣(Bitcoin)、以太幣(Ether)同樣屬於加密貨幣，但穩定幣價格不會像Bitcoin及以太幣般大幅波動。
投委會投資者教育及協作關係總監楊蔚怡說:「穩定幣嘅價值，通常都係同某一種法定貨幣例如美金，或者其他一啲實質資產例如黃金去掛鈎，繼而保持相對穩定嘅價格， 但同法定貨幣唔一樣，穩定幣透過區塊鏈技術運作，而非傳統銀行轉帳，穩定幣可以7日、24小時運作，亦可以做到即時結算。」
穩定幣直接鏈上結算的性質，可以方便虛擬資產交易，而較多討論的應用場景包括「RWA」交易，RWA即現實世界資產可透過代幣化技術，將資產放上區塊鏈製作代幣，背後的資產可以是物業、知識產權(IP)、黃金，甚至是未來一段時間的現金流。
德勤香港數字資產主管合伙人呂志宏說:「例如你擁有好多物業，呢啲物業去收租時，你預計到呢5年，收租大概5000萬元，我哋就用咗呢個現金流做一個backup，發行代幣時就話畀人知，我哋未來有呢個現金流支持我哋嘅代幣，大家可以知道呢個資產嘅價值係幾多，例如現金流，或者資產未來有冇機會升值。」
德勤又認為，代幣化的好處是可以將資產「拆細」，降低入門門檻。此外，亦有利企業因應情況進行融資。
呂志宏說:「平時如果一家私人公司佢唔上市，你想喺一個公開市場買賣，你會冇地方入手，但如果將佢代幣化，你就能夠喺一個平台，一個公開嘅平台做買賣。RWA嘅好處就係可以幫市場去做一個融資，亦可以增加買賣流通量。」
他又認為，政府落實虛擬資產交易平台發牌制度，以及就穩定幣發行立法，可進一步完善監管生態，相信除可增加投資者保障外，亦會帶來更大發展空間。
