【Now新聞台】截至早上11時止，過去1小時內《彭博》用戶搜尋量最多港股，依次為普拉達、美團、百威亞太、快手、比亞迪股份。
雖然科技指數今日(31日)跑贏大市，但美團因市傳南非股東Prosus近期又減持，導致股價今日顯著受壓，加上京東集團開展外賣新業務，美團面對嘅競爭壓力係咪再升級？中央表明要「反內捲」，會唔會對美團股價有支持作用？
椽盛資本投資總監曾永堅認為，股東減持只係短期因素，以騰訊控股為例，集團南非大股東都傳嚟減持消息，但由於公司業務發展樂觀，比到投資者信心，可以抵銷到負面消息。再睇返美團，面對內地激烈競爭，雖然中央不時提及「反內捲」政策，但睇返市場結構，其實好難容納到3個主要營運商，除非中央推出強制性措施，否則，競爭格局好難有根本性改變，令內捲壓力持續。
Jasper補充，隨著京東「參戰」，美團市佔率及毛利率都會面對壓力，加上業績唔明朗，股價短期難擺脫反覆下行格局。
