【Viu】電影《不赦之罪》今晚舉行首映禮，眾演員黃秋生、蘇玉華、George@P1X3L、Sheena陳書昕、陳紫萱晒冷亮相！秋生指係因為古天樂而接拍，雖然自身宗教信仰同戲中「神父」一角相同，但秋生就話唔認同神父嘅價值觀啦！
George喺Threads度以角色「阿樂」開account向網民「懺悔」，大呼好興奮咩都講得，秋生又跟隊開個account聽網民「告解」？George早前為宣傳新戲孭十字架遊街，秋生都話好佩服，嚟緊會再派福利？例如係如秋生所講嘅派聖經？或者唱佢寫嘅情歌？
舞台劇《螳螂捕蟬》公演成功，秋生話好開心，憶述返倒數第三場患感冒，佢都話當刻係好驚，好彩最後順利完成！咁係咪籌備緊tour？第一站會去邊？秋生早前公開29歲長子黃一一型仔相，似晒爸爸咁靚仔會唔會加入娛樂圈先？秋生又透露二子黃煜政最近都由外國返咗香港，大爆個仔喺屋企霸地盤，搞到佢冇得飲茶喎！
蘇玉華分別大讚George、「囡囡」Sheena表現出色，特別直指George調返轉頭帶佢入戲，又指搵佐治做呢個角色好貼切，鏡頭後好努力又用心，係難能可貴嘅演員！對於戲尾加咗一場同George嘅對手戲，蘇玉華話起到畫龍點睛作用！
Sheena則話雖然對住「爸爸」秋生好大壓力，但指秋生私下畀咗好多信心佢，又成日講爛gag舒緩佢嘅緊張，係慈父無誤！另外，George笑談知道AM Team嘅Marco有參加《全民造星VI》，唔知佐治有冇畀tips Marco參選？點知佢爆肚話係公司人有「優勢」？究竟係咩意思？海運戲院日前結業，秋生話有喺海運留過唔少腳毛，感慨指每個年代都會過去，艷陽天總會出現嘅！咁香港電影業嘅艷陽天幾時會出現？足本訪問ready好啦！
