【Viu】睽違5年，日本歌姫中島美嘉今日再度訪港，逗留3日2夜，準備宣傳明年2月舉行嘅香港演唱會。約下午2點出閘嘅美嘉，以黑衫配牛仔褲造型現身，外表同身形真係十年如一日，依然又型又索！佢先停步大方跟傳媒同Fans揮手問好，當有人恭喜美嘉早前再婚時，佢笑而不語，仲True爆咁指覺得香港好熱，對於喺34度高溫下工作嘅小編表示，不能認同更多！

美嘉步行去停車場期間，密密收Fans禮物，又不時同大家揮手道謝，超級親民！雖然未能為專程由澳洲返港接機嘅男Fans簽名，但佢都有合十示意抱歉。美嘉邊行邊指再見到香港Fans覺得好開心同興奮，問到佢最想食咩時？仲反問大家有咩推介，聽到有人推介佢去飲茶食點心後，又笑笑口答：「好呀！」唔知各位Fans會唔會喺茶樓野生捕獲呢位天后呢？

【Viu】BLACKPINK Lisa自宣布參演瘋馬秀以來，不斷受網民批評，戰火竟也燒到Lisa媽媽身上。即睇Viu《K1韓娛新聞 2023》！

【Viu】港產AV女優「絵麗奈」Erena素海霖，最新為網台「喱騷」最新節目《To Do List》擔任嘉賓主持。一開始Erena就被節目組「寵幸」，獲安排與影帝兼偶像黃秋生共進甜蜜晚餐，Erena憶述當刻見到秋生活生生企喺面前，佢係怕醜到講唔到嘢，係個超大surprise！佢仲話呢餐食足3個鐘㗎，究竟佢哋有乜咁好傾？Erena劇透指秋生以文雅tone講「鹹濕嘢」，仲爆埋睇AV嘅黑歷史添！

【Viu】女團LE SSERAFIM來港開兩場演唱會，開騷前率先在記者會上見記者，示範了為在香港表演而學懂的廣東話，也透露各成員去海外開騷時必帶的東西。即睇Viu《K1韓娛新聞 2023》！

【Viu】Bosco黃宗澤、張繼聰、陳家樂、黃德斌同衛詩雅等，今晚出席《紮職2》首映禮，Bosco同阿聰喺戲裏戲外都經常整鬼陳家樂，不時將家樂仔嘅愛隊當笑點，面對兩位娛樂圈轉數王，家樂仔都直接放棄「求生」！

講到派咩福利催谷票房呢？Bosco就玩到好大，嚇窒阿聰同家樂仔，仲迫到家樂仔要拎「愛隊」嚟自嘲，呢舖真係「入肉」喇！

至於詩雅最近喺ViuTV劇集《Food Buddies》飾演人妻Kelly獲網友激讚，佢就話唔敢睇sex scenes，仲爆咗保錡一連串「秘密」，笑Cry呀！想開心返埋嚟，記得睇足本訪問喇！

【Viu】2PM澤演在今日（29日）即將開他首個亞洲巡迴粉絲見面會，昨日在The One出席記者會率先與粉絲見面。即睇Viu《K1韓娛新聞 2023》！

【Viu】「阿姐」汪明荃今日為傢俬品牌拍廣告，老闆鄔友正同老闆娘翁嘉穗專誠嚟探班，盡顯尊貴地位。阿姐自認長情，同品牌合作咗35年，笑認酬勞加幅係一時時。

講到老拍檔鄭少秋大女鄭安儀喺美國自殺身亡，阿姐話唔認識死者，只知道秋官有個大女，但冇就事件打擾秋官，希望大家畀空間同時間秋官處理。

至於秋官另一女兒鄭欣宜同樣盛傳受情緒病困擾，消失幕前逾半年，阿姐就update咗兩句欣宜嘅近況，想知就睇足本訪問啦！

【Viu】宋慧喬相隔5年再次訪港，以亞太區代言人身份出席法國皇室級珠寶品牌的珠寶展，短暫現身向媒體打招呼。 即睇Viu《K1韓娛新聞 2023》！

【Viu】Will柯煒林喺新劇《Food Buddies》飾演嘅BJ熱愛NTR，憑住英俊瀟灑嘅外表，唔單止撩到衛詩雅飾演嘅人妻Kelly，更令談善言飾演嘅「素食女」Jan著迷添。除咗高大有型，阿Will仲有陽光嘅笑容，尤其係個酒粒仔真係無得輸㗎！而Will識得隨意控制個酒粒，想知點做到？即刻去睇Viu1全新娛樂專題《技能解鎖》啦！

【Viu】金世正於香港演唱會前夕，昨日(28日)到港在商場與她的粉絲「SESANG」們見面造勢。即睇Viu《K1韓娛新聞 2023》！

【Viu】側田、Mike曾比特、陳葦璇、JNYBeatz、陳逸璇、組合XiX等今日喺銅鑼灣出席《Sugar K x Sing Outside The Box》， 以嶄新組合推出8首唔同曲風新歌。現場最多fans嘅曾比特，同葦璇打頭陣合唱《旋轉拍賣》，佢哋一碰面就互認「細細個聽對方唱歌」，好搞笑。

MV中，Mike處男下海跳舞，佢自誇「我跳舞其實好叻」腳法冇問題，只係有時唔小心隻手打到葦璇，陰公豬。葦璇仲自爆兩星期前生眼眺針，睇醫生時因為未熟透，最後自己放膿，Mike聽到都即時O晒嘴。

【Viu】鍾培生、霍哥同啱啱放監嘅周永恆今日現身記者會，宣布《培生擂台無敵盃2023》喺12月1舉行，同時加碼搵咗劉馬車同龍心上演另一場拳賽。

今次拳賽可以話一地花生，4個選手有3個都有犯案前科或涉案紀錄，周永恆早排因「抗拒執行職責的警務人員」同「襲擊執行職責的警務人員」被判即時入獄兩星期。劉馬車亦曾因「襲擊」市民而被判入獄六星期。龍心就喺上個月俾廉署落案起訴，涉企圖欺詐3萬蚊選舉開支，但案件押後11月10日再訊。

【Viu】MC張天賦中秋節開始，舉行兩場首個個人澳門演唱會《This is MC LIVE IN MACAU》，噚晚(1號)圓滿成功！處男開騷，MC就已經創下會場四面台單場入場率最高的佳績，認真犀利！佢仲搵嚟澳門實力歌手小肥擔任兩晚嘉賓，分別合唱《寵物》同《時光機》，二人喺台上自嘲外表，表示可以組成最新組合「小矮小肥」，小肥仲話組合外號可以係「M Fat」或者「Medium Fat」，笑爆全場！MC繼續用身高開玩笑：「我一路尋找緊矮過我嘅人做嘉賓，大家都知我著緊鞋墊，他朝一日搵到矮過我嘅人，就會除咗鞋墊好自信企喺佢旁邊！」小肥就拎出身份證，證明自己有172cm，亦透露咗澳門身份證係會列明身高。

今次MC將香港紅館演唱會原汁原味帶到澳門，同樣以四面台示人，再加碼唱出香港個唱後推出嘅新歌《抽》以及《與我無關》等，但一輪勁歌熱舞後，MC已經爆汗變成水人，仲搞到耳機「水浸」添，好彩有「賦二代」醒目遞上紙巾，亦有唔少fans見到MC飲水嗰陣即刻尖叫，MC笑言：「幾好，飲水都有人嗌！早知我唔排舞排得咁辛苦啦，啲尖叫聲差唔多！」而歌迷最鍾意嘅超市手推車環節，澳門站就改裝成漢堡包車，非常搞鬼！

喺演唱會尾聲，MC回憶起上次喺香港紅館個唱尾場哭成淚人，今次就希望同「賦二代」開開心心咁合唱《時候不早》，最後成功以笑容代替淚水。另外MC為咗感謝台前幕後努力，自掏腰包拎出六位數字換成籌碼，喺慶功宴上親手送給每位工作人員，答謝大家辛苦幫手，更希望為大家帶嚟好運同祝福。

【Viu】MIRROR澳洲拍攝團綜，行程似乎幾Chill下，早幾日大家都寓工作於娛樂，不停打卡睇風景，不過今日佢哋居然喺當地時間凌晨3點幾就出發，不過開幾早都好醫肚最緊要，「大食Lo」即刻上線，嚟個All Day Breakfast配炒飯，真識食！

食飽之後去到目的地，原來咁早開工係為咗坐熱氣球睇日出，個景靚到大家都忍唔住係咁打卡，姜Admin仲向姜糖含蓄派心，唔知大家有冇留意到呢？不過回返帶，Edan話過高空活動可免則免，依家要坐熱氣球，兒登個心臟仔頂唔頂得順㗎？但睇見6鏡大合照，喺半空中仲識比V，表情管理做到足，唔通克服咗心理障礙？

喺半空有得嘆靚景，但估唔到喺地面都有「意外收穫」！Anson Lo居然唔小心踩屎，行喺佢前面嘅Jeremy同Edan即刻跑走，而揸機嘅姜濤就笑到收唔到聲，真係成班大細路玩得勁開心啊！不過人哋話踩黃金表示會發達，話唔定教主好快就有好事發生㗎啦！

另外，除咗鏡仔坐熱氣球，一班澳洲姜糖都特登安排咗熱氣球應援，希望姜Admin越升越高、越行越遠，Keep住團火，勁有愛啊！不過話時話，鏡仔去咗澳洲咁多日，Ian同Lokman都冇乜點更新過IG，咁神秘，唔知會唔會好戲在後頭呢？

【Viu】一連兩場《陳慧琳 Season 2 演唱會澳門站》噚晚(1號) 圓滿結束，闊別演唱會舞台四年嘅Kelly狀態大勇，連場勁歌熱舞，驚喜不斷，但講到最大驚喜，當然係馮德倫現身開金口合唱啦！兩人率先唱出《北極雪》，不過呢晚著上樽領嘅Stephen，同身穿銀色高衩舞衣嘅Kelly反差就好大嘞，Stephen自己都忍唔住講笑話有啲著多咗，仲話前一晚見到Kelly個Look，諗住呢晚除咗條褲 ，但都係費事！笑爆全場。之後兩人再合唱《紀念日》。

久別歌迷，Kelly亦分享自己內心世界，佢提及喺初出道嗰陣，因為當時經理人Paco幫佢搵神算子算過，指紅色最旺自己，所以出道時佢由宣傳照到出席活動，都以紅色裝束示人，結果紅足20多年，不過Kelly表示：「其實我又唔係好信呢啲嘢，但又會諗返起，如果當年唔係著紅色，今日又輪唔輪到我企喺呢個台呢？又唔知可唔可以再企耐啲呢？」講到呢度，台下fans即刻瘋狂大嗌Kelly個名，搞到佢感動到忍唔住喊咗出嚟，話：「唔知仲可以企多幾多年呢？呢啲都係唔好諗咁多喇，自然啲啦！」
 
完騷後，Kelly表示冇預自己會喊，但見到咁多Fans支持，忽然間有少少感觸。至於請到Stephen擔任嘉賓，其實都絕非易事，Kelly 表示早喺3個月前已經發出邀請，但Stephen都考慮咗一個月至答應，因為佢太耐冇唱歌，最終就用誠意打動咗對方，先至造就到呢次嘅合唱機會。

【Viu】「亞視一姐」薛影儀經理人林寶玉，最近搞作多多，又經常性感現身，佢投資過百萬喺尖沙咀開身心靈美容店，阿儀同佢反晒面就冇現身，但一班前亞姐，同亞洲心動娛樂（AMM)老闆賴彩雲都有嚟撐場，唔通想力捧寶玉上位，頂替阿儀做「一姐」？