【Viu】Dear Jane今日喺中環今日為口罩品牌擔任一日限定店長，Tim話佢哋四個早已經分好工，自己同nice做收銀，Jackal做執貨，至於同客人溝通講解嘅工作就留畀Howie。Dear Jane話今次口罩物係採用環保物料製作，佢哋四個都話而家嘅人都重視咗環保，Tim話：「好似大家都知要分類，出街又會用水樽，好似我個女咁，由細到大都用水樽飲水。」講到嚟緊八月同C Allstar 個騷，Dear Jane話大致上已經傾好晒，仲話因為佢哋兩隊人都有好多歌想唱，所以未必會請嘉賓。除咗呢個crossover嘅演出外，Tim又透露年尾會有屬於Dear Jane嘅自己騷：「因為我哋好想有屬於自己嘅戶外騷，所以都努力緊。」
6月23號係Tim囝囝嘅一歲生日，Tim笑住咁話個仔咁細個，對慶祝嘅方法冇咩要求：「我哋分咗兩日慶祝嘅，一日就係食飯，佢就喺啲playground度玩，另一日就去咗樂園，但主力其實係個女玩，阿仔都係坐喺BB車度。佢得一歲都仲未會記得啦，等佢兩歲先再花啲心思啦。」
【Viu】古巨基最近同Edan合唱《飄流教室》，真係勁有驚喜！噚日基仔仲公開咗新歌嘅錄音過程，佢猛咁讚Edan唱新歌開頭嘅真假轉換唱得非常之靚，仲話Edan把聲唱輕啲嘅歌好好聽啊！而今次同基仔合作，Edan都獲益良多，事關基仔教咗佢唔少唱歌技巧，仲捉到佢一個小壞習慣添，就係當唱第一個字嗰陣，Edan已經放咗好多氣出嚟，基仔就教佢要將腹部收緊多啲，好似潛水咁收緊嗰啖氣，然後穩定地逐少逐少漏出嚟，真係袋咗好多錢落袋啊！除咗錄音花絮，仲有基仔同Edan著住校服孭埋書包嘅片等住上，應該幾爆笑嘅，真係好期待啊！
【Viu】姜濤姜濤，好波又豪！是咁的，姜Admin自今個月17號由新加坡轉機返港，然後過咗一星期隔離生活，喺24號凌晨12點順利出關。回復自由人，姜Admin即刻化身姜市民，去佢主場維園打籃球。同行波友仲po咗IG限時動態，爆姜Admin送波友們每人一件「經典全明星戰隊」波衫同籃球，omg其中一件係籃球之神米高佐敦1997年帶領公牛隊贏總決賽嘅波衫，基本上所有NBA籃球迷都不能抗拒嘅球衣。似乎係姜Admin喺美國期間買嘅手信，佢真係好有心，一邊拍劇一邊遊山玩水，都仲記得班波友，Like呀！
【Viu】今年唔單止係小塵埃成團十周年，仲係Pollie同Jonathan拍拖十周年嘅大日子！原來當年大家仲係同學仔嘅時候，Pollie已經主動出擊，向Jonathan告白，果然女追男易得手！雖然佢係睇落甜蜜蜜咁，但原來私底下同好多情侶一樣都會經常嗌霎，Pollie仲形容佢哋嗌交當食生菜！想知佢哋成軍兼拍拖十周年有咩搞作，記得睇足本訪問喇！
【Viu】黃夏蕙將於8月移民外地，順道環遊世界，今日特地孖契仔楊峰去黃大仙上告別香，同行仲有12月將再婚嘅劉錫賢同未婚妻袁綺弘。夏蕙BB話今次一別，最唔捨得嘅真係黃大仙，「好彩美國都有黃大仙，或者叫契仔同契女婿代我去，好似我個慈善基金，都係佢哋幫我打理。」最近夏蕙BB被的士司機偷拍坐車期間一邊化妝一邊瞓覺黑圖，問佢嬲唔嬲？夏蕙BB一貫高EQ作風話：「唔嬲，證明我幾勤力呀！一路坐車一路化妝，因為我要拍戲，真係好攰！不過的士佬都好好，佢話唔收我錢，問我可唔可以同佢合照，佢想俾老婆睇，我話梗係可以啦！原來佢係我fans。」夏蕙BB仲話7月30號會喺尖沙咀The One 13樓搞餞别宴，叫大家不醉無歸咁話！
【Viu】大宇哥一出，便知有沒有！今日陶大宇倒轉屯門，出席消費平台活動，吸引唔少街坊圍觀，個個都爭住要同佢影相喎，師奶殺手果然仲有魅力呀！不過小編有啲失望囉，今日大宇哥哥冇唱歌仔，不過佢都有扮招牌水撥手勢，撥吓撥吓咁滿足現場街坊，係正嘅！問大宇哥今日點解唔表演吓歌喉，佢話：「今日唔喇！睇後面個mon已經播咗主題曲，其實唱歌真係唔係我主打，本來客戶都打算另搵人唱主題曲，但佢哋又話不如俾我玩吓，原來我都handle到喎！今日見啲確診數字又升返，我都擔心唔可以如期完成呢個活動，好彩都冇事。」
早排大宇哥同保錡上谷德昭主持嘅《爆谷一周》做嘉賓，佢哋年齡上個gap雖然相差27年，不過都冇乜代溝喎！「我覺得呢個年輕人好有活力，唔好話我影響到佢，佢都影響到我，佢令我覺得冇隔膜，我同佢嘅思維諗嘢都好接近。而且佢扮我好有心，我問佢條片真係睇咗100次先扮我，佢話係，呢種幹勁以前我都冇，唉！得㗎啦！所以我好欣賞佢。」咁有冇機會堅合作先？大宇哥話未知呀！不過佢話知道好多人都想喎！嚟啦！來吧倒轉保錡！
【Viu】今個夏天，韓國串流平台將推出兩檔男同志戀愛綜藝實境，掀起韓網熱議。即睇Viu《K1韓娛新聞 2022》！
【Viu】Amy Lo盧慧敏、Tyson Yoshi同佗緊第二胎嘅倪晨曦，噚晚出席品牌活動，Amy話剪短髮後獲男友Ian激讚，又分享點樣同Ian慶祝生日，仲預告要帶巨型燈牌去睇MIRROR演唱會添！
【Viu】Yoyo岑寧兒喺九展StarHall嘅一連四場個唱噚晚開鑼，今次以「家」為主題，一開始見Yoyo企咗喺白色LED盒入面從天而降，先帶嚟新歌《這裡》，擁有一把天籟之音嘅Yoyo唱《盡力呼吸》仲喪飆高音，期間Yoyo亦有cover其他歌手嘅作品，當中包括Jer嘅《迴光物語》，完全係另一種聽覺享受！一樣咁mm7！
而頭場嚟睇騷嘅分別有媽媽劉天蘭、張艾嘉、AGA、肥仔@ERROR、王丹妮同老公羅孝勇、楊偲泳等。場騷未開波就已經爆焦點，突見肥仔身邊有位女性朋友同行，睇真啲咁似上年5月宣布分手嘅初戀女友阿芬？原來！佢哋靜雞雞二度復合，肥仔更大方向記者直認箍煲成功，學fans話齋，今次真係要拖實阿芬隻手仔啦！
【Viu】久未露面嘅謝霆鋒同Janice Man，噚晚出席品牌活動，最驚喜嘅係張曼玉喺現場做DJ打碟，等大家一次過見晒三位「失蹤人口」。
霆鋒心情大靚，講到興起仲忽然除超展示面部傷勢，又恭喜嗲哋四哥連奪多個影帝殊榮，但因為即將北上工作，自己就無緣出席金像獎喇！兩年冇返香港嘅JM，亦冇再用「JM Tone」講英文，操流利廣東話分享點樣瞞住所有人返港，又爆媽咪掛住佢掛到要做「陪瞓專員」。
此外，郭富城亦分享兩個女嘅貪靚事跡，要老竇等佢哋揀衫出門咁話，係冧嘅！
瀏覽 Viu網頁觀看影片
【Viu】曾出演選秀節目《SUPER STAR K》和《PRODUCE 101》的張文福在2020年因爆出私生活爭議而暫停演藝活動。事隔兩年，他終於出演電視節目復出演藝界。即睇Viu《K1韓娛新聞 2022》！
台灣女星徐熙媛（大S）去年11月與大陸商人汪小菲離婚，向來敢愛敢恨的她，相隔3個半月就閃嫁廿年前舊愛、韓團始祖「CLON」成員具俊曄，兩人先後在台灣、韓國登記結婚。日前具俊曄登上劉在錫、曹世鎬主持節目《劉QUIZ ON THE BLOCK》分享新婚喜悅，他首度公開婚照和戒指紋身，又坦言很後悔當年與大S分手，如重頭來過絕不會選擇分開。
【Viu】鄭嘉穎、Dada陳靜、朱晨麗等噚晚出席電影《焚身》首映禮，嘉穎分享打算點樣幫太太陳凱琳慶祝生日，仲預告會撇甩兩個囝囝過二人世界。對於林作挑機舅仔嘅血緣，嘉穎話：「唔回應就係最好嘅回應！」而太太同自己嘅心情都冇受影響。
此外，Dada話擔心拍箍頸戲嗰陣，擔心整親朱朱，仲特登上網Google佢嘅資料，發現朱朱拍動作戲多過自己；朱朱反讚Dada細心，最後一take過完成。
【Viu】MIRROR同ERROR加埋16位成員，吸金力向來強勁，其實佢哋都好有生意頭腦，除咗自家品牌外，大表哥Stanley同肥仔最近仲投資舞蹈學校Prodance，荃灣分校將會喺7月2號開幕，呢對「肥高Bosses」仲會定期坐陣教跳舞，嘩，各位想報名的話，真係唔使急最緊要快喇！
雖然大表哥同肥仔都「唔係賣飛的」，但佢哋同樣係賣舞嘅，噚晚佢哋就Cover咗PSY featuring SUGA@BTS嘅Hit歌《That That》，大表哥仲以韓仔腔講：「同我一齊跳舞！」又學足PSY同SUGA鬼馬對望，好鬼Funny呀！而一向被指同PSY撞樣嘅肥仔就話：「Prodance班友竟然話我似PSY？但我想講，其實係PSY似我多D！佢哋仲挑戰我同Stanley cover 'That That'，好吖～即刻嚟囉！」
其實「肥高Bosses」未入行前都係跳舞老師，亦有一齊教班同拍片，所以真係行家一出手便知有沒有。小編最心心眼嘅係大表哥完美嘅Body，跳起舞上嚟真係有啲韓國天王Rain嘅影子㗎，臨尾仲要單眼添呀！救命呀！
瀏覽 Viu網頁觀看影片
【Viu】「巨爵」CP古巨基同Edan呂爵安噚晚一齊開Live，講下首合唱歌《飄流教室》，基仔仲幫大家拆解開Live「下半身之謎」，好在Edan噚晚有著條褲，不過佢都有大方分享自己條睡褲，場面爆笑！而今次合唱歌開頭由Edan演唱，佢就話自己好擔心，基仔都有大派定心丸俾佢。另外Edan仲預告，佢同基仔會出遊戲搏鬥片，而嘅名就係《膠流教室》，即係《膠戰》crossover《飄流教室》咁解，聽落都幾得意喎!
【Viu】IVE日前全員出席「KBO棒球聯賽」，號稱「最強神顏」的成員張員瑛相隔四年再度獲邀擔任棒球賽的開球嘉賓。即睇Viu《K1韓娛新聞 2022》！
【Viu】IU所屬經紀公司EDAM Entertainment早前提告惡意評論者，昨天（21日）宣佈判刑8個月有期徒刑、緩刑2年、180小時社會服務令及40小時性暴力防治講座。即睇Viu《K1韓娛新聞 2022》！
【Viu】洪嘉豪(Kaho)最近推出雙碟專輯《Learning Curve》，其中一隻碟所收錄嘅5首作品，都係由Kaho一手包辦曲、詞、編、監兼混音㗎！呢5首歌能夠面世，Kaho話要多謝張敬軒，事關佢有份作曲嘅歌，都係用當初軒公送俾佢嘅音樂器材去創作嘅，佢仲話喺音樂路上，軒公真係俾咗好多鼓勵自己，係佢嘅啟蒙老師，亦希望有一日可以同對方合作，但就唔會強求，認為時機到總會有機會合作喎，認真佛系。
另外，Kaho預告今年有機會舉辦個人演唱會，不過詳情仲未落實，叫大家密切留意！佢仲自爆嚟緊會有4首新歌排住隊等出街，首首都係自信之作，包大家滿意咁話啊！係咪好期待呢？
【Viu】193郭嘉駿、Ashina郭奕芯、Helen譚凱倫今日錄影《戀講嘢》，「浩南」鄭伊琪因事缺席。三位都希望《戀講嘢》長做長有，33仲揚言要做ViuTV《真情》，亦唔擔心節目尺度過激，因為愛唔係齋講，要做出嚟㗎喎；芯姐同Helen都唔擔心被冠以「性女」稱號，希望觀眾欣賞敢言嘅女藝人！
另外，對於陶大宇爆ERROR會喺11月開騷，33就對「Big Breast」嘅言論「明知不知傻癡癡」喇，仲話有朋友問拎飛都畀佢Block埋，好Man好有霸氣呀！講到佢今日po咗同古仔嘅合照，莫非有電影上嘅合作？佢就話掛住古生先一齊食餐飯，仲即席搲合作，又揚言要喺古生面前跳《今期流行》嘅拜神舞，喂！等你找數呀！
| 1 | 2 | 3 | 4 | 5 | 6 | 7 | 8 | 9 | 下一頁 |
