【Viu】「城寨三少」林峯、胡子彤、German張文傑呢日合體搵真銀，胡子彤同German預告好快又要去馬來西亞繼續拍新戲，希望喺9月頭煞科，咁就可以趕去澳門撐林峯演唱會啦！講到咁，唔通林峯已經請咗城寨兄弟做嘉賓？
林峯以往開騷都離唔開「水」元素，處男騷仲有一班着bikini嘅女dancers，嚟緊澳門騷嘉賓環節都整返個bikini dress code？抑或再叫胡子彤、German cosplay返劉備、張飛look上台？澳門騷暫定四場，林峯靜雞雞透露好大機會加場，fans聽到實開心死！
講到日前林峯擔任Sammi鄭秀文紅館騷嘉賓，佢笑話紅館舞台有種魔力，令佢一踩上去就秒natural high，咁係咪真係約定fans下年紅館見？
巴黎奧運正式開鑼，有唔少fans摷返林峯當年以「奧運六子」身份演出片段，佢本人會唔會趁奧運期間跳多次？胡子彤背晒啲奧運比賽項目，全力撐爆香港運動員，包括舊愛歐鎧淳！另外，Ivy So@COLLAR、鄧月平最近搵German學動作武打，German又點評價呢兩位女將？胡子彤又夠唔夠呢兩位妹妹揪？即刻去足本訪問片！
【Viu】ERROR嘅肥仔同193、米露迪、Pony蔡寶欣同Dixon黃奕晨今日出席奧運活動，3爺透露噚晚通宵睇奧運開幕，「盛讚」攞鏡同剪接效果，又話最鍾意睇跳水同游水運動員沖身，尤其係focus「三角地帶」，會令自己好沾沾，仲話因為搬公司而要幫肥仔改名做「將軍澳蘑菇獸」，笑到肥仔抽筋咁滯呀！
日前喺英國拍攝《撞鬼自駕遊2》返港嘅3爺，分享撞鬼經歷時，誤爆同米媽「同房」，肥仔即刻「執雞」笑指「同房」先係最得人驚！講講吓，兩位仲爭住認係「林明禎男友」，笑言要Edan「食死貓」唔好意思，係咪好想知點解呢？
講到今日孖房屋局常任秘書長兼房屋署署長羅淑佩同場，3爺希望署長可以唔止鍾意Ian，可以鍾意埋ERROR，仲公開爭取一系列訴求，笑到有腹肌！
此外，Dixon都睇晒奧運開幕，最驚喜係Celine Dion現身獻唱，又畀米媽同Pony夾擊，迫佢承認公司多靚女！想笑餐飽就睇足本訪問喇！
【Viu】Sammi鄭秀文嘅紅館騷噚晚嚟到第11場，喺嘉賓Dear Jane出場前，Sammi大賣關子：「呢隊嘉賓我一路都好想同佢哋合作，但一路都未有機會，好開心今次邀請佢哋就一口答應，舊年佢哋首歌唱到街知巷聞，我真係好想佢哋Live演唱一次畀大家聽。」Dear Jane隨即升上舞台，走勻四面台合唱Rock版《煞科》，主音Tim仲大晒Rap嘅功力，High爆全場！其後Sammi逐一同各位成員擁抱，仲「出口術」話要私心點唱《到底發生過什麼事》，天后果然識貨！
是夜捧場嘉賓星光熠熠，包括《到》曲嘅MV女主角Stephy鄧麗欣、李嘉欣同老公許晉亨、徐濠縈同囡囡陳康堤、梁漢文同太太Karen、DJ阿正等，相當熱鬧！
【Now.com】馮允謙（Jay Fung）宣佈今年10月再登紅館！Jay Fung連續3年舉行個人演唱會，繼去年首踏紅館後，今年再接再勵舉行《the SOUNDTRACK of my LIFE 馮允謙演唱會2024》。他更透露將會動用去年紅館個唱的兩倍樂手，炮製音樂盛宴，到時更會首唱從未曝光的新歌！即睇演唱會詳情！
【Viu】《劫機1971》的兩位主角河正宇和呂珍九接受《K1韓娛》訪問，大談拍攝《劫機1971》時的趣事，也向影迷們分享推薦大家觀賞《劫機1971》的原因！即睇Viu《K1韓娛新聞》！
【Viu】ANSONBEAN近排迷上cosplay Wolverine狼人，今日嚟到動漫節就casual wear上陣，豆豆預告之後會再變身Wolverine，快閃鬧市拍reels，期間限定㗎！而為咗演活角色，豆豆笑話想試吓留埋鬚，仲搵定條偏方係可以迅速達到成面鬚根添！
一不做二不休，豆豆話依家喪操肌，女友Jaime鍾唔鍾意自己咁大隻㗎？自豆豆聽到Jaime個名後，個嘴角就keep住上揚，全程冧笑！提起Jaime日前做訪問發表眼內只有粒豆嘅愛的宣言，豆豆又有咩反應？嚟緊豆豆會出album，佢預告會有兩首新歌，呢個status最啱唱情歌？早前豆豆上咗「謝家班」，跟謝君豪學戲，佢又有咩得着？
同場VIVA大晒長腿，首唱新歌《DTR》冧fans！對軒公借出發跡屋畀VIVA做女生宿舍，四女興奮話等緊公司安排進駐，仲搞笑話好怕整爛軒公啲珍藏，會小心翼翼！軒公曾表示或會上門突擊檢查，四女又點部署？佢哋住埋一齊又有咩怪癖？邊個會係大姐姐，照顧另外3位小妹妹？睇片搵答案！
【Now.com】現年63歲的歌神張學友去年展開「張學友60+巡迴演唱會」，不過今年3月他曾因確診新冠肺炎臨時取消上海三場演出，去到上月再因感染RSV（呼吸道合胞病毒）而取消台北小巨蛋其中三場演出。而原定於今晚（26日）至周日（28日）在杭州舉行的演出，亦宣布因學友的身體狀況要取消，令粉絲非常擔心，希望偶像好好休息。
【Viu】少女時代俞利早前在Instagram發出遊照，因照片中危險地站在海邊被網民炮轟。即睇Viu《K1韓娛新聞》！
【Viu】Good Afternoon 黃Sir！最新一集「Viu1 人物專訪」請嚟「黃Sir」力臻同大家上堂⋯ 呀，唔係！係以佢嘅歌手身份宣傳佢首新歌《我的課本留白處》先啱！
力臻自爆呢首歌係喺佢收到不被續約教席通知嘅當日所寫，堅係記錄咗自己喺嗰個moment嘅情緒！回想番起中學教書嘅last day，力臻話除咗同學生影相留念加簽名之外，都發生咗一件令佢好難忘嘅事！
對教席被褫奪，力臻話早有預視，事關校方遲遲都未搵佢傾續約，再者除咗曾經喺Pantry隔牆聽到同事對佢嘅批評，最後仲甚至喺學生口中得悉其他老師對佢嘅閒言閒語，一句：「咁我都可以做非法外圍波欖！」令力臻戥嗰位老師感到可悲！
究竟呢個「聲音」嘅威力係咪真係大到可以令力臻失去教席？校內最有權威嘅校長又點睇？力臻直言任教6年期間，校長之位多次換人，賞識佢嘅首任校長亦早已離校，校方最後以「人手安排」理由知會佢不獲續約。力臻坦言自己嘅「留白處」、遺憾，就係冇得喺畢業禮台上親口叫學生嘅名頒畢業證書！
不過力臻未有放棄教學，近日正式加盟補習社，延續教師、歌手雙線發展，咁唔知佢覺得自己係咪位嚴師？遇到有學生瞓覺又點處理？另外，準備咗個「畢業歌知多少」嘅考驗畀力臻，佢又唱到幾多首去贏取宣傳新歌秒數？即刻將時間交畀力臻啦！
陳卓賢（Ian）一連7日的個人演唱會《IAN CHAN “TEARS" IN MY SIGHT SOLO CONCERT 》已於昨晚（25日）完美落幕。Ian邀請了張敬軒（軒公）擔任尾場嘉賓，惟軒公現時不在港，只能以特別的方式「現身」。
【Viu】陳卓賢一連七場處男個唱圓滿結束，完騷後，Ian繼續精靈活潑咁接受訪問，佢坦承7場唔夠喉，希望唱多幾場，仲自爆聽日已經要即刻錄新歌，超勤力呀！Ian自評處男個唱有70幾分，皆因出世以嚟都未畀過滿分自己，包括肌肉方面！吓？乜陳仔咁謙呀？
講到嘉賓，Ian表示全部都係自己請，笑認亞博似交友平台，令自己識咗幾個新朋友。Ian又感謝軒公喺赴美開騷前預錄合唱片段，仲話全靠軒公喺兩年前開導自己，先令佢變成更好嘅人！至於「E人」Serrini，Ian就話預咗Talk位係畀對方操控，會唔會太好笑呀？
《IAN CHAN“TEARS” IN MY SIGHT SOLO CONCERT 2024》 咁好睇，Ian梗係要親解歌單同舞台設計含意，到底佢最滿意邊Part？點解AK捧場都唔唱《蝸牛》？衣櫃仲有幾多套衫未著？呢個足本訪問就滿足晒大家嘅好奇心喇！
【Viu】陳卓賢今晚演出尾場《IAN CHAN“TEARS” IN MY SIGHT SOLO CONCERT 2024》，當送上《另一個諾貝爾》時，全場飄散住唔同造型嘅碎紙，當然包括「賢者之樹熊」、鯨魚等，加上燒焦效果，同埋Video wall嘅爆破場面，令觀眾更加投入！事後Ian解釋今晚新增咗樹嘅碎紙，其中一隻樹熊可以掛上去，omg！會唔會太有心思呀！
【Viu】陳卓賢第七場《IAN CHAN“TEARS” IN MY SIGHT SOLO CONCERT 2024》，尾段當Ian返落台後，全場觀眾清唱Ian嘅處男solo《二期大樓》，成功「召喚」最Cute嘅無尾熊登場！Ian以樹熊Look走匀全場獻唱《抱抱無尾熊》，期間仲刻意「留白」畀Hellosss大合唱，真係聽到小編如癡如醉呀！
【Viu】《IAN CHAN“TEARS” IN MY SIGHT SOLO CONCERT 2024》今晚尾場，向來風趣幽默嘅Ian陳卓賢，連Tag歌都有一套獨特技巧，鼓勵完大家盡情流淚，仲套用《鯨落》歌詞話：「乘蒸氣盡化煙」，喊完一輪、化完煙之後就要《留一天與你喘息》，嘩！呢個「陳式幽默」真係不得了！獻唱期間Ian都鬼馬咁篤波波，cute爆呀！
【Viu】陳卓賢一連七場的《IAN CHAN“TEARS” IN MY SIGHT SOLO CONCERT 2024》今晚尾場，Tears氣氛隨住沉重嘅歌曲遞增，當Ian獻唱《仍在》時，不禁眼濕濕，唱畢仲着全場觀眾起立向一眾舞蹈員致敬，大家亦聽話企起身向Dancers報以熱烈掌聲，場面感人！
【Viu】《IAN CHAN“TEARS” IN MY SIGHT SOLO CONCERT 2024》今晚舉行尾場，MIRROR好兄弟AK、Tiger、Shirley沈殷怡、「阿妹」岑樂怡同Gi樊沛珈，仲有Hellosss麗英捧場。
演唱會以Tears為題，Ian專誠邀請梁祖堯設計咗感動人心嘅《Tears劇場》，先以舞蹈員剖白心聲嘅片段開場，搞喊唔少觀眾，其後Ian翻唱王菀之嘅《下次愛你》，深情歌聲令現場唔少女觀眾都拎定紙巾呀！
【Viu】Ashley林愷鈴、Nancy歸綽嶢、kayan9896吳家忻、陳漢娜、張蔓莎、Martin王智騫、Kenji范麒智，今日着靚靚出席品牌活動！講到Ashley噚晚去睇Ian@MIRROR亞博騷，佢難掩興奮、紅都面晒咁大叫「好好睇」，又大讚陳仔呢位音樂總監編排得好好！Ashley更化身Hellosss不停執紙碎，唔知佢執唔執到最新款嘅黃色花花，儲到一套呢？
睇到Ian爆肌look，Ashley搞笑話忍唔住「嘩」出聲！佢指睇完個騷，即刻有好多創作靈感，鞭策到佢練多啲琴！咁啱同場坐佢隔籬嘅係佘詩曼，Ashley繼續keep住個hyper mode話有同阿佘集郵，睇騷期間仲一齊大合唱添！
Nancy話見到韓星惠利@Girl’s Day心情興奮，平時都有睇對方嘅綜藝，今日見到真人驚歎好靚！佢預告新歌《Let go》MV今晚上架，指係專登飛台灣拍攝，MV男主角係之前合作過嘅添！另外，Chill Club音樂會下星期三晚舉行，大表波Stanley講過話想同Nancy crossover，唔知佢哋係咪真係拍住上表演？Nancy又爆咗啲內幕？提起大表波即刻勁怕醜，唔通Nancy鍾情肌肉男？足本訪問片ready！
【Viu】韓媒Dispatch昨日（23日）爆料閔熙珍和NewJeans的內幕，NewJeans及她們的家長隨即控訴HYBE未經授權流出影片。即睇Viu《K1韓娛新聞》！
【Viu】「院長」洪嘉豪得償所願有得踢波啦！自稱「屯門快槍手」嘅院長，同大家介紹佢嘅大絕就係「含笑半步釘」，究竟係乜東東芫茜蔥？同場仲有前港足隊長陳偉豪，幾乎半個娛樂圈藝人都跟佢學踢波，院長都話好surprise，最surprise係老友程人富都有DM叫佢一齊去玩，唔知院長有冇心動？
講到日前推出新歌《拜託》，院長為擺烏龍搞錯派台、首播日子，唔小心fake咗院友耍冧！相信院友都會原諒佢嘅！佢透露噚日新鮮滾熱辣拍完MV，搵咗個專業演員做女主角，演一個哀傷嘅故事！
院長亦宣布10月中會喺澳門開演唱會，暫定一場，唔知到時FL5會唔會再次上台亮相？條小蠻腰又會唔會復出？等院長親口話過你哋知！
【Now.com】鄭秀文 (Sammi) 昨晚 (24/7) 在紅館舉行第10場「You & Mi 鄭秀文世界巡迴演唱會2023」（Rescheduled ），請來MIRROR的柳應廷Jer做表演嘉賓，這晚又有送禮活動，他自製迷你盲盒扭蛋機送給Sammi，透露原本想整巨型薯片包，卻被COLLAR截糊。
| 1 | 2 | 3 | 4 | 5 | 6 | 7 | 8 | 9 | 下一頁 |
