【Now.com】繼MIRROR小分隊「禿鷹小組」（Ian、Jer、Stanley、Tiger），早前在西九竹翠公園舉行《Wild and Gentle Live 2025》演唱會後，由正副隊長楊樂文（Lokman）﹑Anson Kong﹑王智德（Alton）和陳瑞輝（Frankie）組成的「夜粥小組」，將於6月28日假亞洲國際博覽館10號展館舉行《FWD富衛保險呈獻: Manifest | W.T.F. Live 2025》演唱會。由MakerVille主辦及經理人公司策劃，FWD富衛保險冠名贊助的演唱會以「Want To Fing」為主題，以強勁舞步、街頭風的光影舞台及男孩感性一面，為樂迷帶來一場前所未有，沉浸式「揈爆」氛圍之中。

【Viu】《第二屆薯茄明星運動會》今日舉行起步禮，小薯茄總動員分組迎戰100毛、FHproduction、試當真、JFFT等YouTuber。程人富同「表妹」童童表示最強殺手鐧係鼓勵大家，阿冰就透露朝早跑100米時因對手太熱血而哭咗！阿冰又係首度又係最後一次回應妹妹戀已婚健身教練一事。

上屆同隊兼奪總冠軍嘅阿J、朱Mic，今日係敵手，朱Mic希望靠基因喺跳高項目稱王，更喺公司搭架秘密練兵。阿J就爆係擲標槍高手，仲多咗個朵叫「懂標」。肥蚊興奮宣布Finally官方IG過10萬Followes，麗英即表現不屑。

東方昇笑稱係同場第二老前輩，經過上屆腳傷後今日只出8成力，又表示要留力6月飛土耳其跑100K。嘉盈就話要效法前輩唔好受傷，更爆前日喺金像獎後台集郵古老闆嘅實況，仲沾沾睇住林青霞、洪金寶大添，笑C！想知更多就睇足本訪問片啦！

【Viu】白種元被網民拍到在法國現身。即睇Viu《K1韓娛新聞》！

【Viu】「大表嫂」Alina李炘頤今日出席品牌活動大晒美背，hot到爆呀！自稱怕曬又怕熱嘅大表嫂，話都會同大表哥Stanley@MIRROR去啲陽光與海灘嘅地方！但佢話自己曾經跌落海，自此就有陰影，就算爸爸係游水教練都學唔識，更大爆有次同大表哥去台灣行山嗰陣，差啲喺溪澗嗰度整死Stanley，到底發生過甚麼事？溪澗都可以將米八高嘅大表哥沒頂？

Alina呢期除咗飛韓國睇英國殿堂級樂隊Coldplay，仲有去睇謝霆鋒啟德騷，連睇兩個勁騷，真係羨慕死人啦！佢笑言睇完霆鋒騷後，有叫學緊結他嘅大表哥彈偶像啲歌，咁唔知大表哥捉唔捉到霆鋒嘅神韻、精髓？覺唔覺得大表哥彈結他好charm？係咪好想知大表嫂點回應呢？佢哋拍拖8周年又點過？

同場仲有泰星Namtan，三點式泳衣配大褸加騷長腿，行青春性感路線！佢話之前都有嚟過香港玩，最鍾意食雞蛋仔，又話見到有咁多fans嚟撐佢都好開心，大賣關子叫fans期待香港站fans meeting！日前泰國發生地震，Namtan話當時佢身在機場，準備前往越南參加見面會，所以未有好feel到有地震感覺，又指依家泰國市民對地震都會有所防範！

【Viu】Ian@MIRROR今日以夏日look現身品牌活動，久違䆁放一對「飛毛腿」，佢搞笑話呢排潮濕，畀對美腿出嚟吹吹風喎！講到參加金像獎感受，Ian話既榮幸又開心，自爆演唱《久別重逢》前企喺台上standby嗰陣同梁朝偉、劉嘉玲、劉青雲對眼，感覺獲得鼓勵！

對失落新演員、歌曲獎，陳仔話希望之後有機會可以同到台下所有前輩合作，但嗰日就冇特別集郵啦！睇電視見衛詩雅行出去攞獎嗰陣，坐喺中間嘅Ian、Natalie想讓位但又手足無措咁，Ian笑話睇返都覺得尷尬呀！

MIRROR、ERROR、COLLAR、ROVER正進行school tour，陳仔都會參與，未有受世巡影響，唔知佢準備咗啲咩福利派畀中學生？佢會唔會想返母校唱？陳仔突然忽發奇想，提議搞個運動school tour，係咪有機會再睇到Ian着排球褲？另外，前度Amy Lo做樂壇新人今日出歌，Ian即送祝福，又大讚對方唱歌好好聽，對合作持開放態度！足本訪問ready好啦！

【Viu】音樂劇《三·八》將喺6月中、戲曲中心暫定公演11場，一眾主演Tiger@MIRROR、Winka@COLLAR、Phoebus@P1X3L、黃浩然、海兒、
連詩雅、Chantel姚焯菲等現身記者會！講到首次演音樂劇，Tiger、Winka、Phoebus都話好興奮，Tiger更抵死自嘲要唱歌已經係好大挑戰！講到佢喺劇中飾演死神，咁會係大家認知嘅cool版死神、抑或係funny版死神？佢又話有同「前輩」Lokman、AK、Frankie取經添！今次同友台嘅Chantel合作，虎仔話係百花齊放呀！

Phoebus自爆中學時期有參演過舞台劇，個角色係貓，咁咪冇對白齋「Meow」？今次仲淨係得佢有兩個女partner Winka、海兒，Phoebus話覺得好榮幸，Winka則笑言擔心Phoebus要不停轉視線，因為同海兒有身高差！咁唔知Phoebus所講嘅「溫馨」親熱場面係點？

提到朱芸編攞金像獎「最佳原創電影音樂」嗰陣再次感謝女朋友Winka，Winka係咪好冧豬豬？有冇同男朋友慶祝？佢又認唔認同自己旺男朋友？幾時輪到佢同Tiger school tour？

ViuTV劇《麻甩媽咪》踏入結局周，Tiger話都好唔捨得咁快播完，感謝大家對佢嘅讚賞，佢亦多謝拍檔Gao畀信心、空間佢！虎仔又提到日前去睇咗謝霆鋒啟德騷，笑話對男神啲結他、結他裝備流晒口水，公開爭取MIRROR喺啟德開騷？

Phoebus早前驚喜現身《膠戰RUN FOR YOUR LIVE》，玩遊戲嗰陣被肥腸用身軀力壓，Phoebus有冇受傷？明明佢喺玩遊戲都係力氣擔當，做咩唔反抗？

另一邊廂，飾演「38」階段嘅Shiga、黃浩然，笑話終於「開花結果」，事關佢哋曾經演過CP情侶，今次升level變夫婦！黃浩然喺台上自爆曾被一對仔challenge冇演舞台劇，所以佢搞笑話今次接演主要係想威畀一對仔睇，而對於要跳唱，佢笑話都有啲緊張，依家要開始養聲添！Shiga就透露會唱自己嘅歌，另有一part就係女唱男嘅快歌！即刻睇足本訪問啦！

【Viu】久未露面嘅「白姐姐」白韻琹，今日同老公謝偉俊（Paul）齊齊出席長者活動，現年80歲嘅白姐姐相當精靈咁同大家揮手派Good，受訪時仲話見到咁多人好開心，不時活潑回應：「唔話你知！」白姐姐不單哼咗幾句歌仔，仲喺台上爆Paul哥哥約其他女仔食飯，依舊風趣！

對於有傳白姐姐患上腦退化症，Paul哥哥表示白姐姐除咗短期記憶比較模糊，其他指數都良好，笑言仲健康過自己，所以平時都有一齊出街飲茶食飯，閒時仲有打吓麻雀仔添！

至於「John哥」姜大衛、李琳琳同姜卓文一家三口現身，仲大派利是畀「老友記」。講到金像獎，琳琳姐直言失落女配角獎唔失望，最開心係見到有一班年輕演員接棒；但係細John就戥媽咪失望喇！至於John哥就講返同哥哥秦沛一齊頒獎，畀細佬「小寶」爾冬陞「老點」嘅趣事，想知就睇足本訪問啦！

【Viu】演員禹智賢昨日（27日）迎娶同為演員的李泰京（音譯），兩人曾合作飾演情侶。即睇Viu《K1韓娛新聞》！

【Viu】《第33屆香港舞台劇獎頒獎禮》今晚喺灣仔舉行，風車草黑心喜劇《Di-Dar》共獲8項提名，主演葛民輝、梁祖堯、Ahdee湯駿業同邵美君都有出席，「橋王」阿葛仲拎埋把尺嚟「度橋」，笑爆全場！「葛校長」爆笑回應《Di-Dar（Comeback)》搵咗黃秋生演校長一角，笑言可能破完地獄變「人肉叉燒包」，仲建議阿祖同Ahdee出叉燒包紀念品，甚至移師專做神功戲嘅戲棚加場，大癲呀！

【Viu】權恩妃表哥兼前足球選手姜地龍於22日離世，終年35歲。即睇Viu《K1韓娛新聞》！

【2025年4月28日】《第43屆香港電影金像獎》已完美落幕，電影《九龍城寨之圍城》奪得「最佳電影」、「最佳導演」、「最佳攝影」等9個獎項，掃獎最多成為大贏家，真係飲得杯落！

【Viu】演員金武俊近日被爆陷入日本演員永野芽郁及已婚男演員田中圭的不倫戀情，他的所屬公司火速回應。即睇Viu《K1韓娛新聞》！

【Viu】由「妹豬組」Edan、姜濤、Jeremy、Anson Lo主持嘅小組團綜《呂濤米Lo Seoul》，下星期一就出街喇，四子開心Share拍攝趣事，而出現得最多嘅詞語，竟然係「厭世」，到底發生過甚麼事呢？

【Viu】電影《爸爸》今晚喺金像獎頒獎禮分別奪影帝、最佳女配角、最佳新演員三個大獎，劉青雲、谷祖琳、Dylan蘇文濤一家三口現身慶功非常興奮，青雲笑稱自己攞獎木獨，表示衛詩雅攞獎時特別Touching。咁老友古仔失落男配角會唔會戥佢失望？

小谷表示父母、兩個囡囡都有撐場 ，特別興奮。今晚慶功會盡情飲酒，但唔會醉。Dylan則笑稱父母有短訊恭喜攞獎，但至慶功前都冇現身。

至於《虎毒不》談善言、盧鎮業失落影后、最佳男配角，佢哋表示戥朱栢康開心，想知更多就入嚟睇足本訪問！

【Viu】英皇電影喺金像獎頒獎禮之後舉行《破．地獄》慶功宴，老闆楊受成孖出爐影后衛詩雅同「最佳男配角」朱栢康齊齊開香檳慶祝，失落影帝嘅許冠文未有現身。詩雅受訪時見到朱康又想喊，朱康笑言原本打算型爆上台，冇諗過自己喊咗10公升眼淚！佢哋笑言想拎埋所有獎，仲承諾唔會加片酬，希望同電影業共渡時艱！講到「爸爸」失落影帝，兩兄妹都話相信「Hello文」會戥佢哋開心！

【Viu】謝霆鋒尾場啟德騷《Evolution Nic Live進化演唱會》，繼續有最強「家庭應援團」愛的撐場，兩「餅印仔」Lucas、Quintus同嫲嫲「拉姑」狄波拉一齊坐，應傳媒要求齊齊向鏡頭舉V字手勢，超溫馨！哥哥Lucas笑容滿面，相反細佬Quintus表現得相當怕醜，拉姑仲不停咁話：「多謝大家！」

當Lucas被問到覺得爸爸個Show點樣嗰陣，拉姑雙手合十講多謝代答，再問到Lucas可唔可以講兩句嚟支持爸爸？拉姑再做孫仔嘅代言人：「支持呀！嚟咗就支持㗎啦！」

話快咁霆鋒就唱到尾嗰part，繼續同fans大合唱是常識吧！講緊就係《非走不可》啦！唱過幾首抒情歌後，霆鋒接唱快歌《開放日》一秒再焫着返個場，全場high翻天！最後如頭3場一樣，last song就係《活著VIVA》，霆鋒彈完最後一粒音掉結他pick再轉身離場型到冇朋友！唔知霆鋒幾時可以再開騷呢？惟有loop爆條實況片頂頂癮！

另外，嚟睇尾場嘅歌手朋友有陳慧嫻、蔡一智夫婦、徐濠縈、古巨基、周汶錡、林奕匡等！