【Viu】ERROR隊長Fatboy、193同P1X3L嘅George，今日再以「PUZZ13」身份出戰《公司逼我打籃球》嘅「公司盃」四角邀請賽，PUZZ13自爆致勝之道全靠「任砌」，George仲秒回女隊員除外，真係比ERROR更ERROR呀！

【Viu】Tyson Yoshi呢一年喪做「空中飛人」，今日難得現身香港活動，咁就梗係要暢談最近發生嘅事啦！新鮮熱辣嘅當然就係佢喺台灣舉行簽唱會，幫兩位索爆女fans簽胸口，Tyson當下見到女fans揭起衫有冇嚇窒？佢沾沾笑話好彩細個練到一手毛筆字，功架了得唔會掂到！驚唔驚有fans之後會模仿？未婚妻Christy會唔會呷醋？使唔使肉償返畀Christy先？當初係林家謙先喺佢胸口簽名，Tyson秒稱係兩回事，笑指林家謙係變態！

【Viu】搞笑藝人朴娜勑於7日發現家中的高價物品失竊後報警，昨日（14日）警方宣布已經逮捕疑犯。即睇Viu《K1韓娛新聞》！

【Viu】林峯相隔9年再戰紅館，一口氣連開7場破咗自己開騷紀錄！今日舉行終極加場記者會，林峯開心宣布騷前會再出新歌、保留Let’s get wet呢個「傳統」，又預告到時會向fans派福利！去到記者會尾聲，古天樂驚喜現身打氣，林峯搞笑借司儀阿正把口邀請古天樂做嘉賓，估唔到古天樂一口答應，話要由頭跳到落尾，仲話要一齊wet，堅唔堅呀？

【Viu】2NE1成員朴春近日上傳首爾演唱會的照片，相中可見她再次減磅成功，性感的舞台服飾再引起熱話。即睇Viu《K1韓娛新聞》！

【Viu】尹光、和泉素行（Soko）同徐㴓喬（Asha）今日出席ViuTV新節目《堅返鄉下》記者會，分享返鄉下越南、日本同菲律賓嘅趣事。光哥爆笑話因為越南人越嚟越有錢，所以越嚟越多肥婆，咦？咁肥婆隻雞有冇甩晒毛呢？光哥就更正歌詞其實係「肥婆買雞抆晒毛」，仲即席唱多次畀大家聽，勁Funny呀！

【Viu】久未露面嘅向佐、內地歌手關喆同馬志威今晚出席汽車活動，向佐表示返香港出活動好開心，仲預告下星期會出廣東歌，連MV都拍埋㗎喇，足足有9個造型，咦？咁有Fashion Sense嘅向佐又最鍾意邊個Look呢？對時裝嘅興趣又係幾時開始培養嘅呢？對於早排嘅中性打扮惹熱議又有咩睇法呢？向佐一次過解答晒網友嘅疑問，仲公開同爸爸向華強嘅相處之道，唔睇就走寶喇！

【Viu】Tiger@MIRROR同Gao@COLLAR喺ViuTV原創劇《麻甩媽咪》中分別飾演揸住把「痴心情長劍」嘅「車房仔」哈利，叫得哈利，當然「係愛呀」㗎喇，為咗追求Gao演飾嘅Cool爆Rene，扭盡六壬，相信一班「小虎隊」實會睇到「姨母笑」！

【Viu】盧冠廷今日出席記者會，宣佈將於6月尾四度喺紅館開騷，現年74歲嘅盧盧，暗示今次係最後一次紅館騷，事關如果要再隔9年先開紅館，屆時已經83歲，實在太冇陰功喇！講到修哥之前以9字頭高齡開紅館，盧盧就大爆修哥秘密，聽到太太唐書琛（Susan）鼓勵時又嘆晒氣，完美展現「搵食艱難」呢四個字呀！

【Viu】Nana（林珍兒）日前在一條關於THE BOYZ成員善旴的影片下留言批評他沒有禮貌，事件引起熱議後雙方都各自在粉絲交流平台申明立場，但進一步引發粉絲罵戰。即睇Viu《K1韓娛新聞》！

【Viu】演員南潤壽在IG轉發了「18禁」的成人廣告帖文，引起網民關注。即睇Viu《K1韓娛新聞》！

【Viu】電影《不赦之罪》今晚喺第四十九屆香港國際電影節舉行首映禮，一眾演員黃秋生、蘇玉華、George@P1X3L、陳書昕、陳紫萱盛裝現身！黃秋生同蘇玉華呢次再合演夫妻，有冇擦出新嘅火花？秋生又大讚George好努力又夠誠懇，仲好肯學添，意外大爆George主動要求重拍一場戲，內情又係點？George驚唔驚被黃秋生拒絕？至於問到黃秋生對重拍嘅評價？佢就留低三字作回應，秒見George笑到碌地！

George以「哥哥」、「姐姐」嚟稱呼黃秋生、蘇玉華，被兩位前輩再力讚係叻仔，佢更話呢次同兩位合作袋咗好多錢走，真係識講嘢呀！不過佢哋3位就話未睇過完整version，所以都好期待！戲中有場強姦戲份嘅George，曾笑話最期待睇製成品嘅係屋企人，有冇預留最佳位置畀佢哋先？

黃秋生日前喺Facebook留言：「安息My friend。懷念。」問到係悼念梁齊昕、抑或係行內編劇朋友？佢則隱晦話：「講得名就講啦！」而見黃秋生上月預告new song coming soon，幾時可以畀大家聽到？又會唔會同George jam返首歌先？至於講到試當真宣布停運，黃秋生話係好可惜，會唔會可以喺試當真停運前有合作機會？另外，蘇玉華早前同白茵有飯局，見到偶像周潤發有幾開心？想知就去片睇足本訪問啦！

【Viu】昨日（10日）Sleepy於社交平台上透露他被控瀆職罪一案最終以無嫌疑作結。即睇Viu《K1韓娛新聞》！

【Now.com】DC漫畫的全新電影宇宙DCU首部電影《超人》確認在今年7月上映，電影由Marvel《銀河守護隊》三部曲的導演占士根James Gunn執導。最近電影的5分鐘加長版先導預告片段曝光，透露了不少有關電影劇情的細節，一齊看看預告片中有什麼隱藏彩蛋啦～

【Viu】前娛樂記者李鎮浩日前再出片指2019年前金賽綸與金秀賢另有交往對象，昨日（10日）再爆導致她酒駕的是當時剛分手的歌手前男友。即睇Viu《K1韓娛新聞》！

【Now.com】Marvel史上首個英雄家庭—神奇4俠，將會在今個夏天加入MCU，在《神奇4俠：英雄第一步》（The Fantastic Four: First Steps）中登場。神奇4俠曾經被不同電影公司改編過，今次Marvel Studios推出的版本為第4代的神奇4俠，不少Marvel迷也好奇今次電影會對這個英雄家庭有怎樣的詮釋。最近飾演電影主角的4位演員就接受了外媒訪問，其中飾演霹靂火的演員Joseph Quinn就透露霹靂火的性格將會大改，引起不少網民熱議。

【Viu】《搗破法蘭克》係香港首部成功眾籌開拍嘅電影，由談善言、Locker林家熙、「爺爺」岑珈其、Renci楊偲泳四位「大盜」主演，以「法蘭克」名義展開一連串打劫行動！正所謂「唔怕神一樣嘅對手，只怕豬一樣嘅隊友」，唔知佢哋喺team入面係神定係豬？各自又係咩擔當？

【Viu】MIRROR第二小隊「禿鷹小組」Ian、Jer、Stanley、Tiger，順利完成兩場西九戶外騷，騷後keep住個hyper mode受訪！四子話最擔心都係Day 1會落巨雨，好彩最終「燒烏龜」集氣成功，大表波更加料爆佢許願成功，而呢個願望係關Jer事嘅！

今次四子各唱新歌，Jer同Stanley都話好緊張，大表波指緊張感係嚟自吳林峰呢晚在場，自爆有同對方打賭一件事，唔知係咩呢？最後又係邊個贏？再講到大表波着see-through背心，嗰排「朱古力」若隱若現咁勁誘惑，佢笑話唔小心走咗呢個風格，唔關佢事喎，更話要借件衫畀Jer、Ian着添！而虎仔嗰件背心就相對嚟講冇咁透光，佢幽默笑話騷肌呢家嘢係要由淺入深，咁就留名等睇虎仔遲吓點show off啦！

虎仔唱新歌《Live the way I want》好man咁自隊啤酒，查實入面係咪堅酒精？虎仔型爆拋樽嗰吓又係點set嘅？陳仔話今次開騷加入唔少band sound元素，都好enjoy呢個rock and roll氛圍，唔知下站世巡會唔會改rundown加唱新歌？

呢次四子亦有cover唔少歌手嘅歌，包括有向方大同致敬嘅《紅豆》、Coldplay嘅《A Sky Full of Stars》等，佢哋即場拆解揀歌準則！Jer、Stanley更大讚師妹Marf@COLLAR為Coldplay任嘉賓好叻女添！至於四子對「夜粥組」Lokman、AK、Alton、Frankie，趁佢哋完騷前開speaker「騎劫」宣布將會有搞作，有咩睇法？

另外，有4位鏡粉睇完Day 1後指唔見電話，疑有集團式「扒手」入場犯案，四子知唔知情？有傳下年冇CHILL CLUB頒獎禮，呢單嘢堅唔堅？聞王晶突然出post鬧姜濤，覺得係無風起浪？Stanley直言姜濤經歷過唔同事情後心臟變強大，相信佢係會控制好兼會繼續用作品說話！

【Viu】MIRROR第二小隊「禿鷹小組」Ian、Jer、Stanley、Tiger，今晚繼續喺西九竹翠公園報到，舉行尾場戶外騷《Wild and Gentle Live 2025》！臨開場前，「夜粥組」Lokman、AK、Alton、Frankie加「妹豬組」嘅Jeremy突現身，接受全場鏡粉嘅第一波尖叫聲！

經過幾part solo之後，四子終喺個唱尾段合體兼出動結他一齊「焚」，現場氣氛high到爆炸呀！佢哋前後jam咗《失魂》、《活著VIVA》，掀起全晚高潮！去到encore嘅部份，Ian、Stanley、Jer、Tiger帶嚟四人版嘅《Catch a Vibe》，虎仔幽默將Lokman、Alton兩位兄弟加入歌詞，係有驚喜嘅！佢哋更大玩巨型煙槍，以四個唔同mode發射，溫柔、霸氣、淘氣樣樣齊，即刻去片同鷹小組一齊玩轉西九！

【Viu1】Ivy So@COLLAR今早喺西沙出席跑步活動，佢話本來以為今日要跑，仲諗住訓練吓，點知原來唔駛跑！其實佢平時都算一名健康寶寶，一星期做三日運動，不過只要安排咗做運動嗰日，就俾自己食多啲嘢，所以想食野就要做多啲運動！佢透露月尾又會為新團歌拍MV，所以家陣放假放肆一兩日就又要keep返fit啦！

講到睇咗Coldplay演唱會頭場，當時未知Marf會表演啲咩，睇到時就覺得好震撼，自己無喊但知道Winka同Gao都有喊，見到Winka好感動，大家好落力全程幫Marf應援，覺得Marf好叻，面對五萬人表演係超級難嘅事，自己喺觀眾席都覺得緊張，所以特別覺得Marf係天生表演者，壓到台又記到咁多首歌，見到comments大家都睇得好開心，希望大家畀多啲機會Marf同COLLAR！Ivy仲話聽到Marf介紹自己來自Collar係覺得感動嘅！

講到最近網上瘋傳張家輝訓示瘋狂fans條片，Ivy話「蘇蝦」們都好錫自己，都明白未必滿足到fans每個要求，「蘇蝦」好理性，知道忙都唔會騷擾佢咁話，快啲睇足本訪問啦！