【Viu】麗英最近出咗今年第一首新歌《美男子圖鑑》,開宗明義係講靚仔啦!咁佢男神Ian邊走得甩先?俾麗英誠意又主動咁打動,聲演其中幾句讀白,仲成功逼Ian講我愛你呀大癲!真係自肥到盡頭!
【Viu】距離金像獎頒獎禮仲有幾個星期,Viu1HK繼續為大家訪問各候選人!今次有⋯憑《白日之下》嘅院長「章劍華」入圍影帝嘅林保怡!入行接近40年嘅林保怡,至今拍過成50齣電影、「分裂」出多個角色後,終一嚐被提名影帝嘅感覺!佢話第一時間真係要多謝老闆古天樂科水投資,先至有依家橫掃金像獎16個提名嘅成果!的確猛料!
林保怡分別喺歌、視兩大範圍都攞過大獎,依家只係爭個電影獎!而佢亦信心爆棚話有信心撼贏梁朝偉、黃子華稱帝,更搞笑講定屋企有位擺添!佢又回想起30年前仲係影壇初哥、拍《辣手神探》嗰陣嘅難忘事,面對神級影帝周潤發係幾咁大壓力!另外,講到今屆嘅5位準影后,唔知林保怡又睇好邊位?如果有機會一次過晒冷同呢5位女演員合作,佢又有咩good idea?講講吓,佢仲度咗幾個劇本出嚟添!去片聽林保怡點講啦!
【Viu】今日《CHILL CLUB推介榜 年度推介23/24》記者會勁熱鬧,英皇3唱將Gin Lee、泳兒、鄧小巧除咗有歌入圍流行歌曲獎外,更分別角逐年度女歌手,喂呀左右手都係肉,點揀呀!
【Viu】昨天(21日)MLB世界巡迴賽在首爾舉行,吸引了不少韓星到場觀看球賽,當中最曯目的當然是玄彬和孫藝珍這對,但更令人意想不到的是坐兩人後排的竟然是「死鬼CP」孔劉和李棟旭。即睇Viu《K1韓娛新聞 2024》!
【Viu】《CHILL CLUB推介榜 年度推介23/24》記者會雲集一眾歌手,型男美女睇到目不暇給,不過是日嘅「人生勝利組」一定係阿正,除咗有Edan同Jeremy為佢歡呼同合照外,終於可以同最愛嘅Jeffrey BB成為「一對新人」,事關阿正同梁子以「虎牙」身份入圍「年度新人組合」,Jeffrey就入圍「年度男新人」。
阿正笑言終於可以光明正大同Jeffrey成為「一對新人」,仲預告5月12號頒獎禮當晚會著婚紗現身,叫Jeffrey勤力「操口」,得獎時可以補返世紀之吻!雖然Jeffrey聞言都有打個突,但都迎合阿正不斷「操口」,講到肯真咀咁喎,等你找數呀!
此外,Beanies成員張天穎同新歡ANSONBEAN、舊愛Phoebus同場,女方自認專業唔尷尬,但係兩位男士喺「年度男歌手」台上就咁啱企隔離,全程零交流兼冇受訪喇!
【Viu】MIRROR今日Sharp醒現身《CHILL CLUB推介榜 年度推介23/24》記者會,雖然姜濤同AK因工缺席,但訪問依然繽紛,除咗講返得獎信心呢啲「行嘢」之外,問到阿Jer覺唔覺得今次嘅「年度男歌手」之爭係咪「Nice Match」嗰陣,牙柳竟然完全唔記得自己之前用「Nice match」dm過靚女網友,Edan亦秒速幫佢解圍,Jerdan世一呀!至於Ian早前喺tg group撰長文訴心聲,佢就話開心見誠講好過收收埋埋,Lokman亦「活學活用」,講到MIRROR將會喺三藩巿首演新團歌《Day 0》時,鄭重向其他地區嘅觀眾道歉,識玩呀!
至於ERROR就一如以往話冇信心撼贏MIRROR攞獎,Dee哥仲話要繼續做唔出solo嘅「清泉」,又爆193係「難招呼」嘅演員,畀保錡即席「訓示」副隊長唔識做訪問,笑Cry呀!
【Viu】張敬軒今日出席代言嘅啤酒品牌活動,跟10位幸運「澱粉」共進午餐。軒公年初再奪「叱吒樂壇我最喜愛的男歌手」,但之後去咗各地巡唱,一直未有機會答謝歌迷,夏天快到嘞,佢話會兌現承諾「找數」着泳褲!問到咩款色?軒公大膽挑戰三角款,會開始積極操腹肌,但唔敢挑戰「天花板級」嘅大表波Stanley,笑言:「我呢個年紀…..」。
對於近日有人以「AI軒仔」呃錢,軒公透露有fans曾受騙招致損失,但笑言:「阿媽連我都唔信」,反而最唔擔心。軒公仲有分享5月份嘅工作大計,想知詳情就要睇訪問片。
【Viu】曾榮獲韓國大鐘獎導演獎的著名電影導演韓在林日前訪港出席「第17屆亞洲電影大獎」,他亦接受了《K1韓娛》的專訪大談電影。即睇Viu《K1韓娛新聞 2024》!
【Viu】COLLAR一連三場《COLLAR Crush Live 2024》完滿結束,隊長Gao自評有80分,個騷本應係兩年前初出道時開,講起當中辛酸,Gao又忍唔住爆喊。排練期間大家都有受傷,芯駖自封「受傷之鬼」,腰部一度癱瘓,要每日放血針灸,聽到都心痛。佢哋透露經理人亦有請So Ching嚟睇騷,但可能schedule問題嚟唔到。
最近Day同Marf都被爆拍拖,Day講起Nathan:「有認真了解過,但冇發展」,佢同其他團員都有關心Nathan情緒。而Marf大方承認與Locker拍拖,提起男友一副冧豬樣,被追問有冇同居,佢就撒嬌話:「我唔係拍過好多次拖。」佢又話Locker有逐一點評COLLAR各成員,覆述Locker話:「香港需要COLLAR!」至於明早就要考試嘅Candy被傳IG「買粉」,佢否認之餘,其他成員都「幫拖」,團魂MAX呀!呢個有喊有笑,有血有淚咁精彩嘅訪問,記得Loop爆呢條片呀!
【Viu】音樂監製Edward Chan嘅亞博個人作品展《Blueprint of Memories, by Edward Chan》,尾場圓滿結束!喺頭場唱《忘記歌詞》嗰陣唔小心跌坐落地拗柴嘅陳柏宇,為撐老友Edward Chan今晚負傷報到,喺台邊撐住拐杖出場,夠雷!喺全場fans拍手鼓勵兼狂嗌「陳伯」打氣之下,佢再挑戰唱《忘記歌詞》,喺邊度跌低,就喺邊度企返起身!而佢因聽從醫生建議多休息,所以淨係表演咗一首歌就早退!
「教主」Anson Lo喺尾場一共演唱6首歌,簡直係見盡撈撈豬唔同嘅一面!「情深撈」嘅部分係《神隊友》、同徐浩合唱《永順街39號》;「Rock撈」有同樂隊Dear Jane合唱《到此為止》;「開心撈」係獨唱《Megahit》,追加同Edward Chan跳舞;至於「Sexy撈」就非同「小明」方皓玟合唱《My Life》、《Unblock Me》莫屬,教主同小明互摸又身貼身跳舞,火辣程度係5**,全場「神徒」睇到熱血沸騰!
初出道嘅樂隊ROVER首踏亞博舞台,帶嚟首支派台作品《秒速8公里》,四子零怯場勁有台型!側田、Cousin Fung合唱《咖啡因萬歲》,唱唱吓仲遞埋支咪畀Edward Chan,主角又肯開金口唱埋一份,氣氛超high!而尾場嘅特別嘉賓就係「皇后」Ivana王菀之,fans一見皇后出巡秒起哄,Ivana演唱《好時辰》令全場fans集體耳朵「懷孕」,有片有真相,去片聽歌!
【Viu】COLLAR九展騷《COLLAR Crush Live 2024》今晚尾場,話晒係成軍兩年第一個大型演唱會,心情當然特別滾動,跟「領粉」分享感受時個個眼濕濕。
最眼淺嘅Candy 講起屋企人第一個爆喊,芯駖就感觸話大家從不爭企C位:「COLLAR 嘅團魂唔係寫、唔係講,係在心中。」搞到身旁Day眼泛淚光。而隊長Gao未開聲已哽咽,感激陪住COLLAR成長嘅每一位。唱到最後一首新歌《Chosen Family》Marf見到台下Fans咁熱情,亦「失守」喊到甩嘴,好彩得其他團員鼓勵俾力量。想睇更多感人時刻,快啲入去睇足本訪問。
【Viu】今晚係COLLAR九展騷《COLLAR Crush Live 2024》尾場,7女穿上露腰性感舞衣登場,一口氣獻唱《Back in the Game》、《Atypical》、《Call My Name》三首快歌,全場「領粉」一齊企起身un住聽歌,炒熱現場氣氛!今晚嚟睇騷嘅嘉賓份量十足,有《全民造星IV》總決賽評判嘅李嘉欣同老公許晉亨拖住手仔入場,MIRRORU正副隊長Lokman、AK,仲有Jeremy,加上張繼聰、謝安琪帶埋囡囡一家三口嚟捧場,個騷真係大人細路都啱睇,記住睇埋實況片!
【Viu】Louisa麥明詩同Keith盛勁為今日喺遊艇會舉行婚禮,筵開27圍宴請親朋好友,一對新人幸福洋溢,咀足一分鐘任影,又大晒特別設計嘅M&S戒指,Sweet到爆!
【Viu】193郭嘉駿今年首支派台歌《B出口》,將於3月26號推出,佢之前預告話今次MV搵嚟一億票房嘅「國際大導演」執導,開估啦,原來係ERROR好兄弟何啟華(Dee哥)處男下海做MV導演,3爺笑言係出於「同理心」:「Dee每隔幾個月就話拍MV可以搵佢做導演,當然冇人理佢,但大約係半年前,有次ERROR 4個人都喺度,佢又再講多次,下次你哋拍MV不如我做導演,然後我目睹肥仔同保錡冇出聲兼走埋,但我肯定佢哋係聽到,Dee好似好尷尬,又冇出聲扮冇講過。我目睹呢個畫面,同理心發作,就搵Dee大導合作,圓佢夢。」
對於Dee哥嘅導演處男作,193當然以一貫嘅幽默風格去評價,仲笑「副隊長」爆Budget爆到要「貼錢」,呢舖真係陰功豬咯!Dee哥仲笑言壓力大到頭髮都甩晒,但感覺超爽!想睇193同Dee哥有幾「一世人兩兄弟,有你有我」,睇足本訪問咪知囉!
【Viu】Gigi梁詠琪嘅《時間遇上我們巡迴演唱會》日前重新啟航,2024年首站噚日喺澳門舉行,為fans送上雙重福利,除咗訂製一套全新嘅大露背歌衫,演唱期間Gigi更走到台下同fans握手,全場隨即陷入瘋狂狀態!
適逢個唱喺Gigi 47歲生日(25日)前夕,演唱會秒變大型生日會,更有fans高舉印有「生日快樂」嘅應援手幅!點知好戲在後頭,西班牙籍老公Sergio同囡囡Sofia驚喜現身舞台,帶領全場fans大合唱中、英版生日歌,Sergio更負責獻花,一直被蒙在鼓裏嘅壽星女,收到呢個birthday surprise,感動到眼濕濕!佢又搞笑問囡囡緊唔緊張?Sofia笑話:「A little bit!」Gigi即刻送上擁抱以作鼓勵,同時亦怕醜用花遮面咀嘴老公,兩公婆又攬又錫幾次,甜到漏呀!
【viu】著名音樂監製Edward Chan完成頭場作品展後受訪,笑話突然要參與幕前角色,既緊張又唔習慣!講到陳柏宇跣腳跌低,Edward話當時彈緊琴,所以唔係好為意,之後先知發生小意外!Edward亦有代陳伯報平安,指陳伯一落台即刻有救護人員上前檢查拗傷情況,期間仲有講有笑,貫徹佢幽默風格!佢話會keep住update對方嘅傷勢,希望尾場繼續有陳伯演出!
【viu】著名音樂監製Edward Chan首個個人作品展《Blueprint of Memories, by Edward Chan》今晚喺亞博舉行頭場,演出歌手包括姜濤@MIRROR、Edan@MIRROR、「小明」方皓玟、Janice衛蘭、薛凱琪、陳柏宇、林奕匡、黃妍、葉巧琳、林一峰、周柏豪等,陣容鼎盛!
【viu】鄭裕玲、洪嘉豪今日喺西九出席「地球一小時」2024熄燈儀式,Do姐即場分享環保心得,除咗少用膠樽、食得清淡keep住fit爆身材之外,仲教大家短暫開冷氣保持清涼感秘技,聽到身旁嘅嘉豪笑晒口,真係要學嘢。
【viu】台灣樂團蘇打綠事隔8年再嚟香港舉行演唱會,《二十年一刻》噚晚喺紅館開鑼,四面台全場爆滿,勁呀!團長阿福感性表示蘇打綠一路走來唔容易,感謝大家等待,並細數四次巡演加埋今次,演唱會都係從香港起跑,青峰立刻回想起:「小威第一次求婚、家凱第一次在台上褲子破掉,也都是在香港。」真係好愛香港歌迷!
上一頁 | 4 | 5 | 6 | 7 | 8 | 9 | 10 | 11 | 12 | 下一頁 |