【Viu】Ian陳卓賢於《CHILL CLUB 推介榜 年度推介 24/25》頒獎禮掃走「CHILL CLUB年度男歌手銅奬」、「CHILL CLUB年度唱作歌手銅奬」及「MOOV大數據至尊歌手」，三個獎也是個人成績最好的歌手之一！當中佢繼續得到唱作歌手獎的肯定，又得到男歌手銅獎，果然係幕前幕後都耍家，同樣得到獎項肯定，Ian表示：
「多謝大家投票畀我，我會繼續努力做好自己要做嘅嘢。」又話：「希望大家喜歡我嘅歌！我會繼續努力！」總之就係會努力努力同努力，其實佢唔講大家都睇到佢踏踏實實付出嘅努力，真係要睇多
幾次佢領獎過程呀！

【Viu】今晚《CHILL CLUB 推介榜 年度推介 24/25》頒獎禮，姜濤掃咗三個獎，成為個人獎項最多歌手之一，包括「CHILL CLUB年度男歌手銀奬」，憑《黑月》得「音樂第一 歌曲獎（跳唱歌曲）」以及「MOOV大數據至尊歌手」，姜濤每次上台都貫徹佢為人低調謙厚性格，簡單感謝公司、合作團隊及音樂夥伴，當然亦有感謝支持嘅樂迷同姜糖啦！

【Viu】ANSON LO盧瀚霆今晚喺《CHILL CLUB 推介榜 年度推介 24/25》頒獎禮，個人獨攬三大獎 ，包括「年度男歌手金獎」、「人人樂壇 年度歌曲大獎」及「人人樂壇 年度歌手大獎」，

他三度上台致謝辭，講到幾乎冇嘢講啦，唯有三度感謝神徒back up啦，現場一遍粉紅海當然都歡呼聲震天，除咗教主自己努力，確係要多得神徒支持呀，快啲回味吓教主獲獎實況啦！

【Viu】天后Kelly陳慧琳同日本教主西川貴教今晚擔任《CHILL CLUB推介榜 年度推介24/25》表演嘉賓，Kelly坦言同MIRROR、COLLAR及Fatboy齊齊表演《失憶周末》超震撼，加上人馬叠叠，笑認有「扮吓」大家姐嘅感覺，仲放風邀請MIRROR 12子齊齊為自己嘅紅館騷做嘉賓添！

【Viu】ViuTV舉辦的音樂頒獎禮《CHILL CLUB 推介榜年度推介 24/25》今晚順利完成，林家謙繼續攞唱作歌手金獎，又憑《普渡眾生》拎埋由全場歌手投票嘅「CHILL CLUB 歌手推介歌曲大獎」，仲大爆金句：「唔係我勁，係你哋投票！」呢句係咪繼上年Tyson Yoshi代攞獎後度足一年？呢日家謙化身「食蕉」，呢個look內藏咩秘密？率先爆新歌名？點解唔聽Cloud講裸上身示人？

首奪女金嘅Gin Lee大叫好開心，講到要預錄得獎感言，Gin指雖然少咗份感動，但笑言有得早收工好興奮，事關翌日要拍《造星VI》，可以早啲休息！

華納三寶人人有獎攞，皆大歡喜，其中洪嘉豪更係首次喺CHILL CLUB攞歌曲獎！MC張天賦內藏魚網衫，佢抵死笑話係試水溫，莫非遲吓瘦身成功就齋着魚網衫出嚟？敢唔敢再立flag先？早前傳佢唱婚宴收7位數，係咪堅？陳蕾大談見樂隊Zen超興奮原因！

另外，第一次攞CHILL CLUB獎嘅仲有Lolly Talk！Elka冧豬承認同煒賢@Zpecial拍拖，大讚男友體貼又細心，更自爆呢排洗完頭唔使自己吹！咁咪可以情侶檔接洗頭水廣告？早前受負面新聞影響嘅Ah Yo，心情有冇好返啲？送上足本訪問！

【Viu】《CHILL CLUB推介榜 年度推介24/25》頒獎禮完結後，「宇宙天團」ERROR派出Fatboy同193受訪，佢哋爆笑解釋Dee哥同保錡缺席嘅原因，亦話希望ERROR好快可以齊齊整整。講到Fatboy同Kelly齊齊跳《失憶周末》，點解唔預「形體大師」193？3爺就踢爆Fatboy抱起Candy@COLLAR係自肥兼鹹濕，又親解畫「Joker嘴」嘅原因，SLDPK呀！

至於COLLAR就學足ERROR咁大暴走，Candy笑認Fatboy係舅父，跳舞時好似照鏡咁，十足「鏡子舞」，超玩得喎！而Winka就首度開腔回應同音樂才子朱芸編嘅戀情，記得睇足本訪問喇！

【Viu】MIRROR喺《CHILL CLUB推介榜 年度推介24/25》成為大贏家，開心就梗㗎啦，估唔到訪問仲解放咗「舞王Jer」嘅舞蹈魂，即席模仿西川貴教嘅台風，其後12子又迫大表波「用心口說話」，笑爆全場！講到同Kelly合唱，MIRROR坦承係成就解鎖，仲即席應承12個齊齊做Kelly演唱會嘉賓添！

【Viu】大型戶外音樂嘉年華《ImagineLand 2025》，連續兩日喺香港文化中心露天廣場舉行！打頭陣現身嘅有「皇后」Ivana王菀之，話知道出面落住微微細雨都擔心班fans要淋雨，一上台見到全場仍然企滿人係超high！

【Viu】劉俊謙今日化身文醫生拖實蔡辛強去戲院為《贖夢》謝票，強哥又忽然「清醒」話感應到導演張家輝有嘢講，解答戲中疑團。

【Viu】Grace王君馨、苟芸慧、鍾舒漫同鄭丹瑞等今日出席狗狗活動，Grace挺8個月巨肚現身，仲克服童年陰影抱狗狗，手勢十足十抱BB咁呀！講到噚日公佈佗B女，Grace話自己好開心係佗女，相對易湊，如果生仔就要交畀老公陪玩。Grace透露完成今次活動後就要閉關安胎，但鬼妹仔將閉關噏錯「收山」，笑爆全場！雖然仲未執好走佬袋，但Grace估計老公會陪入產房，又笑言驚生B過程會嚇親老公，預計自己會痛到咬住老公手臂嚟借力，So sweet！

【Viu】英皇電影《破．地獄》除咗打破香港票房紀錄外，仲成為今屆金像獎嘅「提名王」，共入圍18個獎項，包括「最佳女主角」衛詩雅同「最佳導演」陳茂賢，陳導仲Sweet爆咁話就算所有獎項食白果，都希望詩雅可以登上影后寶座，呢啲仲唔係愛？不過，兩位坦言戥子華神失落影帝提名可惜，完全感受到呢個團隊超有愛呀！

【Viu】林明禎、Sammy沈震軒、Helen譚凱倫同Amy Lo等今日出席《全城狗狗行善日》，明禎BB雖然冇帶愛犬同行，但就吸引咗成班「單身狗」圍觀，仲為咗女神扮狗吠，笑爆全場！明禎大讚Fans風趣幽默，自己最鍾意收到Fans手寫信，又自爆小學3年級已經收到第一封情信，靚女果然有著數呀！

【Viu】銅鑼灣皇室堡嘅姜濤生日應援以《Keung To 430 Blossom Love》做主題，場地正中間嘅「黃濤花花」巨型靚仔相超級吸睛，仲特設6大打卡位，包括「Keung’s #26 Moment」、「濤幻萬花世界」、「姜濤蝴蝶鞦韆」、「糖中姜」、「濤心表情包打卡牆」同「Keung To HBD 揮手區及姜之甜蜜工房」，仲有「春日戀歌小濤濤」同「雪之戀人小姜姜」會喺周末同公眾假期孖大家見面，Kawaii呢！

除咗各大靚爆打卡位外，FC仲同甘比主理嘅Happy Yarn舉辦慈善鈎織Party，由導師指導姜糖親手鈎織「小薑薑」匙扣同「小桃桃」應援公仔帽，等各位姜家人可以日日夜夜「掛住」姜濤，So Sweet！

Sweet冇人嫌多嘅，現場仲有「姜之甜蜜工房」出售4款限定甜品，FC仲會喺4月5號至5月1號指定日子喺「姜濤灣」派發4款動漫風格嘅「籃神卡」，真係Happy Keung To’s Day呀！小編送上銅鑼灣生日應援實況，同埋姜糖Cissy、Joanna對偶像嘅祝福畀大家率先睇啦！

【Viu】金秀賢於31日召開完記者會後，未能成功逆轉輿論，昨日（1日）他的經理人公司Goldmedalist被傳陷入財政困難。即睇Viu《K1韓娛新聞》！

【Now.com】中學文憑試（DSE）主科在昨日（2日）開考，今年有近4.9萬名考生報考。為了陪一眾考生迎戰，歌手黃淑蔓（Feanna）與陳健安（安仔）開考前夕在YouTube開Live唱歌，為同學們打打氣。身為人氣角色Chiikawa粉絲的二人，更在節目中大唱Chiikawa洗腦歌曲《睡衣派對》，希望用這首歌陪伴考生們克服困難！

【Viu】眨吓眼又嚟到4月，意味住即將迎接月尾30號「姜濤誕」呢個大日子！官方後援會已連續第4年喺尖沙咀、銅鑼灣各設生日應援站，畀咁多位姜糖打住卡同姜Admin慶祝26歲生日，認真sweet！

先嚟到尖沙咀 The One嘅生日應援站，後援會以「Keung To The Sweet Diary」為主題，仲首次創作動畫《The mini Keung Show》，入面隱藏咗16款新角色，想搵晒佢哋出嚟就要落足眼力啦！動畫入面嘅其中兩個角色檸檬姜糖、水獺西多士，更會化身吉祥物，喺指定時間現身同姜糖見面！

同場仲有7大動畫場景畀大家盡情selfie，姜糖s可以喺「D.I.Y. 『濤』出新天地」即場D.I.Y. 專屬嘅phone case，有得玩又有得做善事！同層嘅升降機隔離則設有即影即有機，共有兩款生日限定相框任君選擇，咁特別唔係唔影嘛！

跟住仲有！去到6樓嘅「To My Keung Candies」，有得夾公仔、盲盒同抽閃卡，更有多款生日限定精品發售！至於地下嘅大電視亦會長期loop住動畫片《The mini Keung Show》，千祈唔好打漏卡呀！

姜糖Tanya指雖然「入坑」得遲，但對姜濤嘅愛係無限，大讚偶像勤力又有毅力，要為姜濤平反外界對佢嘅負評！專程飛返香港嘅加糖Jacqueline係首次同姜濤過生日，所以佢話超興奮，開心share喺加拿大點幫偶像應援、做「空中飛人」撐姜濤開騷，絕對係真愛呀！

【Viu】金秀賢昨日（3日）在記者會中淚崩，強調是在金賽綸成年後才和她交往。而YouTuber橫豎研究所再公布新相片反擊。即睇Viu《K1韓娛新聞》！

【Viu】金秀賢昨日（3日）在記者會中淚崩，強調是在金賽綸成年後才和她交往。而YouTuber橫豎研究所再公布新相片反擊。即睇Viu《K1韓娛新聞》！

【Viu】饒舌歌手NO:EL的父親兼前國會議員張濟元離世，生前正陷性暴力指控中。即睇Viu《K1韓娛新聞》！