【Viu】台灣人氣歌手SHOU婁峻碩今日喺馬鞍山出席新專輯《RISE》簽唱會,唱完歌再同婁力士玩遊戲,炒熱全場氣氛。
婁峻碩一出場就用廣東話介紹自己,仲讚fans「靚仔、妹豬、好勁」,係掂嘅!佢自爆同Tyson Yoshi之所以咁老友,原來係疫情期間,對方講咗一句:「同我返屋企」大家傾咗一晚就知好啱key。而佢嘅廣東話部份亦跟對方學,當中唔少係粗口,婁峻碩笑言太多唔出得街,笑cry!
簽唱會上仲有好消息宣布,婁峻碩將於6月22日嚟香港開演唱會,係海外巡演第一站,佢話會有驚喜,但會唔會除衫show肌,就大賣關子。而婁峻碩嘅老家喺花蓮,佢話發生大地震大家都好害怕,好彩家人已報平安。提到新歌MV有噴火、飛車等驚險場面,佢話差啲發生意外,仲有談及跟凡凡傾談結婚細節時完全冇嗌交,仲講情話冧未婚妻,想知更多就要即刻睇片。
【Viu】日前,演員金賽綸在IG限時動態上傳了和金秀賢「面貼面」的照片,雖然已經即時刪除,但相片仍在網上瘋傳,成為熱話。其實韓國娛樂圈已發生過多次因為藝人「手滑」,刻意或無意地上傳和異性的親密合照而引發緋聞,甚至導致戀情被公開。即睇Viu《K1韓娛新聞 2024》!
【Viu】樂隊ToNick今晚喺九展開騷,以「只准快樂」為主題,小龜自爆食米線遇見一位20歲妹妹話認得自己,原來妹妹嘅媽咪好鍾意ToNick,引得全場爆笑!是晚,恆仔表現較沉默,獻唱演唱會主題曲《Good Trip in Bad Days》時一度感觸哽咽,話呢幾年經歷好多嘢,但無論開心與唔開心,好多事都要累積埋一齊先係完整人生。之後唱出《長相廝守》、《記得梳頭》,以及歌頌成人電影網站嘅《This AV》等hit歌。
完騷後4子受訪,恆仔透露女友Kylah Chan移民咗去加拿大,所以冇嚟睇騷,表示隊友Ryan要移民時都好唔捨得,有一晚同Ryan講:「你不如唔好走。」咁更何況係女友呢?難怪恆仔都話Long D嘅感情係需要時間去適應。而移英半年嘅Ryan就專登返香港開騷,話估唔到可以Long D夾band,遲啲大家去英國站開show,佢就已準備好喺屋企打邊爐同燒嘢食招呼班兄弟。Encore環節,恆仔見歌迷反應熱烈即除衫騷肌,但叫埋其他兄弟,就個個都淨係話「撐你」,似乎冇乜實際行動,最終恆仔承諾4子如有機會喺紅館開騷就會四個一齊爆肌,到時一定好有睇頭。想睇更多記得loop爆片。
【Viu】一連兩日春浪音樂節今晚開始喺西九開唱,台灣組合五堅情喺尾段出場帶嚟《立刻要爆炸》,全場堅果秒速企起身大合唱!五子大讚香港堅果好犀利、勁熱情,搞到佢哋都好感動!
五堅情話噚日走咗去食酸菜魚,仲玩咗「抽卡買單」遊戲!睇嚟呢個game已變咗「傳統」,次次嚟香港都會玩,而呢次嘅金主就係邱鋒澤,話聽到4位數字嘅金額肉都赤,拒絕今晚食宵夜再玩,超爆笑!
九澤CP月尾會喺九展開騷,鋒澤同陳零九預告會勁歌熱舞,最緊要係會脫!到底會點脫法?有冇嘉賓?佢哋大賣關子叫堅果入場睇騷!講到五堅情入面淨返「小賴」賴晏駒仲未喺香港開過個人騷,佢話希望今年有機會開到,依家籌備當中,咁就真係要期待吓!
「準人夫」婁峻碩指結婚有太多嘢要處理,加上仲要係海外婚禮,又再三講到明因為只限最親,所以冇預4位兄弟份!隔離四子聽到呷晒醋,特別係鋒澤!提起凡凡早前喺Threads留言「懷孕了」,難道雙囍臨門?婁峻碩又點回應?另外,台灣日前發生大地震,黃偉晉坦言係有記憶以嚟最恐怖,希望大家平安!去片睇足本訪問啦!
【Viu】久未露面嘅陶大宇今晚到賀Ray鍾健威與黃美棋的婚禮,佢指同童星出身嘅美棋BB拍過兩套劇,開心對方仍然記得佢,請佢嚟飲!問到佢有冇傳授夫妻相處之道畀一對新人?陶大宇笑話冇呢個本事,等對新人自己體驗咁話!
準爸爸Phil林奕匡孖老婆Rikko李靄璣,話準備咗封大利是畀新人,又話啱啱睇Ray同美棋BB簽紙嗰陣都感動到眼濕濕!另外,嚟飲嘅嘉賓仲有Zeno顧定軒、杜以辰同男友譚永浩、「小花」譚杏藍同男友Ronald、黎瑞恩、楊潮凱、簡淑兒等。
【Viu】娛樂圈又有喜事啦!Ray鍾健威同黃美棋拉埋天窗,喺西貢五星級酒店舉行婚禮,筵開35席宴請親朋好友,分享新婚喜悅!Ray拖住老婆仔喺歡呼聲之下登場,美棋BB一身中門大開、晒「湯碗胸」兼白滑美背嘅婚紗索到核爆!同老公仔Ray化身「接吻魚」咀足成分鐘,呢個閃光彈震撼到呢!
一對新人繼續恩愛拖實受訪,講到美棋BB喺大日子大解放,佢搞笑話唔係有心,更話想挑戰極限換足8套靚衫添!Ray大方笑話老婆靚就得,讚呢個係美棋BB嘅塑身成果,畀足101分添!
自認感性嘅美棋BB,話喊咗好多次,但每次喊都係幸福嘅眼淚,感恩揀到個好老公,呢句勁甜!Ray就話自己冇咁眼淺,又講到今朝被美棋BB考驗,即場彈結他講愛的宣言!至於生B大計,佢哋笑話本身想追個龍B,但發現太急,決定順期自然,兩個就夠晒數!
「星級」兄弟姊妹當中嘅Paula黃芳雯、Rikko李靄璣、盧頌恩、林淑敏,開心share呢日最感動嘅moment!最後更約定明年今日飲Ray、美棋BB嘅小朋友滿月酒添!即刻去片見證鍾生、鍾太簽紙,仲有爆喊講愛的宣言嘅時刻!
【Viu】演員作為公眾人物,他們連私生活都受到大眾關注。今集《K1韓娛》就為大家介紹3位因陷入不倫戀的爭議而形象受到打擊的女演員。即睇Viu《K1韓娛新聞 2024》!
【Viu】一連兩日的KCON HONG KONG 2024在上星期日圓滿落幕。KCON是首次在香港舉行,吸引了4.5萬人次到亞洲國際博覽館參與這項K-POP盛事。即睇Viu《K1韓娛新聞 2024》!
【Viu】ViuTV新劇《瑪嘉烈與大衛系列 絲絲》正在熱播中,貼地劇情掀起新一輪嘅追劇熱潮!劇中角色陸續登場,「三人行」Phoebus@P1X3L、「小野」盧鎮業、Buber麥詠楠之間嘅火辣親熱戲,相信睇到大家㷫烚烚!
原來小野、Buber私下為爭奪Phoebus嘅螢幕初吻,都引發連場激戰,火藥味甚濃!唔知呢吻到最後「鹿死誰手」?當事人Phoebus對同日激咀兩輪,享盡男、女之福又有咩感覺?再三強調係100%直男嘅Phoebus,坦言今次接拍後內心抑壓咗好耐,但難得有機會衝破自己嘅心理關口就勇於挑戰!
同樣感到挑戰嘅仲有小野,首次演同性戀者,佢話好難拿捏情感!至於要同Phoebus埋身肉搏嘅Buber,笑嘲自己拍嗰陣硬晒軚,又劇透因為場口要跳舞,就即席向《造星II》冠軍Phoebus拜師,點知被對方取笑?今次3位喺親熱戲上簡直係豁咗出去,為發掘佢哋有更多嘅可能性,試就「濕吻」、「床戲」、「露股沖涼」三個情節,佢哋又會點排序呢?小心睇片笑到有腹肌呀!
【Viu】李宰旭和aespa的Karina被爆分手,雙方公司立即出面回應並承認消息。即睇Viu《K1韓娛新聞 2024》!
【Viu】七師傅今日為潑水節擔任瑪赫桐女神,但師傅話呢個女神唔多老黎,會令全世界陷入惡運,發生天災之餘,又影響樓市、股市,台灣日前發生大地震、日本又現食肉菌,究竟有咩方法可化解?
至於師傅嘅守護神就係老公阿龍,唔講唔知原來阿龍識通靈,加埋師傅嘅預測雙劍合璧,早前買金依家有斬獲,勁fat fat!講到193自爆連開兩舖,分別係精品咖啡店、串燒店,點知師傅一聽到就勁firm嗌唔好,仲隔空同33講冇老點過佢,因咩解究?33又會唔會聽?七師傅又幫33新歌宣傳,聽到話如果《B出口》MV破100萬點擊,33同阿Dee齊齊除褲,師傅再勁firm話條數實過,但抵死笑話就算佢哋除咗都冇嘢好睇!有理由相信師傅平時睇開好嘢!去片聽師傅點講,小心笑到肚痛!
【Viu】話咁快又到4月,即係代表「姜濤生日慶典」又嚟啦!官方後援會精心設計多個生日應援站,畀姜糖打住卡咁同姜Admin慶祝25歲生日!今日率先帶大家去到尖沙咀、銅鑼灣呢兩站兜個靚圈,掃吓啲打卡位先啦!
尖沙咀以藍色做主調,展現姜man沉穩魅力一面!一共有6個打卡位,最最最特別係正中間嘅《黑月》姜濤,個size係一比一㗎!呢個真心要集郵!而姜濤身後嘅燈柱仲隱藏咗個小秘密添,就係「Happy Birthday」嘅音頻,好似圍住姜濤唱生日歌咁,超有心思!一如以往都有DIY區,今年就係整卡片套、小袋,可以畀姜家人發揮創意!仲有紀念品區,小心買到破產!
跟手直落銅鑼灣站,成個setting明顯由型格路線轉cute cute路線!派出小姜姜、小濤濤帶大家under the sea,展開浪「濤」之旅!呢站最正嘅係有甜品站,打卡打到餓就可以即場醫肚,勁貼心!姜家人仲可以報名參加針織工作坊添!值得一提嘅係,每站都會派發專屬閃卡,記得去齊咁多站啦!
現場見有姜糖帶埋小朋友嚟朝聖,分別有母子檔Anna x Antonio同母女檔Mandy x Everly!兩位媽媽都笑話自己鍾意姜濤先,然後再帶小朋友入坑,並指爸爸都係姜糖之一,一齊聽歌、幫手排隊攞應援物,係愛呀!佢哋不約而同大讚姜濤顏值爆燈、有才華、為人真誠、孝順、係好榜樣等,啲優點簡直數都數唔晒!即刻去片睇吓姜濤生日慶典有幾咁盛大啦!
【Viu】韓素希和柳俊烈自陷入「換乘戀愛」風波到正式宣布分手,僅僅過去了兩個星期。分手後,兩人原本決定按原定計劃合作新劇,不料新劇的製作公司在2日宣布兩人將不會一同出演新劇,並會重新選角。即睇Viu《K1韓娛新聞 2024》!
【VIU】Michelle衛詩雅入行16年終於吐氣揚眉,憑小品愛情片《不日成婚2》被提名今屆香港電影金像獎最佳女主角,一嚟就打大佬喎,巧威豬啦!
【VIU】MIRROR巡迴演唱會美加站即將展開,12子今早齊齊現身機場嘅VIP通道出發!率先達陣嘅係「教主」Anson Lo同Jeremy,通頂拍戲嘅教主話轉頭上機寧願補眠都唔開餐!Jeremy就有為日前喺停車場嬲嬲豬事件解畫,佢指當日見到fans撞到私家車嘅倒後鏡,護fans心切就發火了!
【Viu】韓國娛樂圈出名殘酷苛刻,如果不努力,隨時都有機會被「叮」走。有些人害怕被娛樂圈淘汰,但有些人就可能害怕隨時要被家裏召回去「繼承家業」了。今次《K1韓娛》帶大家認識這班「人生勝利組」有哪些人吧!即睇Viu《K1韓娛新聞 2024》!
【Viu】不少人身上都會有紋身,或是作為紀念,或是作為提醒,或是與其他人之間感情的一種證明,今集《K1韓娛》就為大家盤點一下身上有友情紋身的藝人們。即睇Viu《K1韓娛新聞 2024》!
【Now.com】因出演韓劇《和我老公結婚吧》而人氣暴漲的韓國女演員宋昰昀,早前被爆涉及校園欺凌事件,但宋昰昀的所屬經紀公司隨即否認。事件醞釀不足一天已迎來變化,公司最新聲明180度轉變,承認宋昰昀就讀高中期間,確實因校園暴力事件而遭強制退學。
【Viu】李善均在去年捲入涉毒、外遇風波,疑不堪壓力,最終選擇結束自己的生命。當時死訊曝光後震驚整個娛樂圈。不料在僅僅三個月後,李善均的父親亦在昨日(27日)證實離世。即睇Viu《K1韓娛新聞 2024》!
【Now.com】Facebook群組「全港店舖結業消息關注組」近日熱爆網絡,哪間餐廳要結業、哪間整晚「拍烏蠅」成為這個復活節長假的熱門話題,人稱「牛雜妹」的李亦喬也宣布父母開設的粉麵店將於下周一 (8日) 結業:「我不再是『牛雜妹』了。」
上一頁 | 2 | 3 | 4 | 5 | 6 | 7 | 8 | 9 | 10 | 下一頁 |