【Viu】謝霆鋒一連四場嘅啟德騷《Evolution Nic Live進化演唱會》最終迎嚟尾場！去到個唱尾段，霆鋒由場尾位置去到場中嘅旋轉四面台，先表演一段handpan，後唱出國語歌《因為愛所以愛》，仲邊唱邊打木箱鼓，隨後再自彈自唱《別來無恙》，大show音樂才藝，charm到爆呀！

跟住霆鋒再同fans大合唱《遊樂場》，唔知係咪霆鋒收到容祖兒、蔡卓妍、一眾fans嘅訴求，嚟到尾場佢唱咗大家期待已久嘅《壞習慣》呀！前奏一起秒引哄動，全場fans企晒起身同霆鋒一齊jam歌！睇見fans咁high，霆鋒不時偷笑，唱完嗰陣仲搞笑扮打冷震：「咦，打冷震呀！」

之後霆鋒邊行上主舞台、邊同fans握手派福利，又忍唔住「投訴」fans：「有冇搞錯呀？原來最大聲係《壞習慣》，我都假假哋係個Rock友嚟㗎嘛，點會最大聲係呢隻㗎？」其實無論霆鋒唱邊歌大家都勁鍾意㗎，即刻去片聽歌啦喂！

【Viu】劉青雲打低一眾強勁對手4奪香港電影金像獎影帝，表面冷靜嘅佢在後台受訪，佢話依然好有新鮮感，更稱當見到戲中「阿仔」蘇文濤同「老婆」谷祖琳攞獎後已完成心願。提到郭藹明未有陪同現身，青雲笑指太太已退居「幕後」，負責幫佢形象，又笑指太太冇唔理佢。

而首奪金像影后嘅Michelle衛詩雅入到後台仲係好興奮，眼紅紅不斷高呼：「好想喊！」不過佢就話攞獎時見到台下嘅老公同朱栢康喊到咁，又覺得幾搞笑，仲爆老公冇俾家用添！想知點解？入嚟睇足本訪問啦！

【Viu】《破．地獄》在今屆香港電影金像獎共獲5獎，除了衛詩雅得影后、朱栢康獲最佳男配角之外，還有「最佳編劇」陳茂賢、鄭緯機；由林家謙作曲、填詞同主唱嘅《普渡眾生》膺「最佳原創電影歌曲」；朱芸編則奪「最佳原創電影音樂」，不得了呀！

喺樂壇獲獎無數嘅家謙，首奪金像獎坦言感覺神奇，好似開咗一度新嘅門一樣，所以最緊要多謝《破．地獄》嘅「靈魂人物」祖師爺！而朱芸編亦公開多謝女友Winka@COLLAR，仲話想同女友合作音樂添，但係當然要對方公司批准啦！

此外，陳茂賢話拎到金像獎係圓夢，加上見到演員得獎更加開心，希望之後可以開拍一套以香港做題材嘅電影！

【Viu】朱栢康憑《破．地獄》勇奪第43屆香港電影金像獎「最佳男配角」，興奮到爆嘅佢喺後台仲Chok甫嚟錫獎，更揚言得獎夢未圓，事關自己仲想攞「最佳男主角」，連「最佳女主角」同「最佳女配角」都想拎㗎！

憑《爸爸》首度提名「最佳女配角」嘅谷祖琳，一擊即中，佢笑言最想去After Party飲酒，事關已經等咗成個月。雖然同阿仔齊齊攞獎，但小谷坦言最難係抽離「金燕」一角，其中要畀阿仔斬殺嘅場口，令佢足足驚咗幾日呀！

至於Dylan蘇文濤則憑《爸爸》勇奪「最佳新演員」，佢坦言喺梁朝偉手上得獎意義非凡，始終由細睇到大，所以宣佈時腦海一片空白，認真可愛！

此外，Robin Lee憑《香港四徑大步走》膺「新晉導演」，直言希望將此片推廣至海外，等大家睇到香港之美。

【Viu】第43屆香港電影金像獎頒獎禮，今晚喺尖沙咀文化中心舉行，一眾入圍演員、嘉賓大約喺晏晝4點左右開始分批現身行紅地氈，現場星光熠熠，Ian@MIRROR嘅fans Hellosss、林家謙fans更出動遊艇應援添！

現身喺紅地氈上嘅演員、嘉賓，排名不分先後包括有梁朝偉、劉嘉玲、陳法拉、吳彥祖、曾國祥、許冠文、劉青雲、郭富城、古天樂、林峯、胡子彤、劉俊謙、張文傑、伍允龍、黃德斌、衛詩雅、朱栢康、秦沛、韋羅莎、梁雍婷、林家謙、Edan@MIRROR、Ian@MIRROR、谷祖琳、蘇文濤、鍾雪瑩、談善言、區嘉雯、李琳琳、許恩怡、盧鎮業、Marf@COLLAR、吳祉昊等，快啲睇吓有咩巨星出現啦！

【Viu】《第43屆香港電影金像獎頒獎禮》今晚喺尖沙咀文化中心舉行，一眾藝人首先行紅地氈，許冠文同「一對仔女」衛詩雅、朱栢康被問到有冇信心《破 · 地獄》可大包圍擸晒啲奬？Michael San謙稱緊張因對手勁，但就吹奏朱康、Michelle攞硬！

【Viu】梁朝偉同太太劉嘉玲、吳彥祖、阿Sa、張繼聰同王丹妮等，現身今晚喺尖沙咀文化中心舉行的《第43屆香港電影金像獎頒獎禮》紅地氈，負責頒影帝嘅嘉玲受訪時大呻位位都係朋友，唔知點揀，又話雖然老Best王菲返港睇霆鋒演唱會，但自己無暇約阿菲打牌。對於盛傳梁朝偉將參演《九龍城寨之龍頭》嘅雷震東一角，偉仔就首度回應傳聞喇！

至於吳彥祖專程喺美國返嚟頒獎，由於今晚要即走，無暇睇霆鋒演唱會，仲笑言要問過阿囡先可以排Job㗎！

而阿Sa就投訴霆鋒冇唱《壞習慣》同《如果只得一星期》，但又全程心心眼望住紅地氈嘅另一邊，兼且大讚朱康型過霆鋒，阿聰都冇佢咁好氣呀！想牛咁眼睇實一眾男神女神，記得睇足本訪問喇！

【Viu】Ian陳卓賢憑《久別重逢》提名《第43屆香港電影金像獎》的「最佳新演員」，Ian笑言密實上陣驚攝親，唔敢學「有生命力」Deep V嘅許恩怡咁性感。講到Hellosss出動遊艇應援，Ian多謝Fans支持，仲話一入場就見到好搶眼。至於同獲遊艇應援嘅林家謙就搞Gag話：「呢單嘢唔係我跟開！

同樣提名新演員嘅Marf，自爆為咗紅地氈襯靚裙而刻意曬燈，仲首次回應「爭贏」30位女歌手做Coldplay暖場嘉賓係Fake News！而早前公開認愛Winka@COLLAR嘅音樂才子朱芸編就繼續冧女友，巧閃呀！

另一邊廂，《焚城》三子Dee哥、Jeffrey同Locker齊現身，仲笑認靚仔過Jeffrey，又話買樓一事可以被友台處境劇取材係成就解鎖！

此外，MC回應被指豪擲30萬賭一局啤牌嘅傳聞，佢承認自己有小賭怡情，但每局金額一定冇30萬咁多！想了解一班年輕偶像就睇足本訪問啦！

【Viu】姜濤生日應援，《Keung To Birthday Treasure Hunt 2025 & The Keung’s Show》壓軸項目就係各自超過10分鐘嘅無人機同海上煙火項目，姜家人席地而坐兼閃起燈牌欣賞表演，氣氛熱鬧！

【Viu】姜濤生日應援，《Keung To Birthday Treasure Hunt 2025 & The Keung’s Show》壓軸項目就係各自超過10分鐘嘅無人機同海上煙火項目，姜家人席地而坐兼閃起燈牌欣賞表演，氣氛熱鬧！

【Viu】姜濤生日快樂！《Keung To Birthday Treasure Hunt 2025 & The Keung’s Show》今日喺西九文化區舉行，除咗10米高嘅巨型吹氣小濤濤吸引一眾姜家人打卡外，重點環節當然係姜Admin現身《The Keung’s Show》，同6千名姜家人齊齊慶生，FC今年仲專誠邀請同姜濤合作無間嘅台灣跳舞老師大目老師同團隊嚟香港做暖場表演，令姜Admin驚訝到O晒嘴，仲笑住叫台灣嘅朋友記得要去銅鑼灣睇吓，又即席跳咗一Part《白果》，開心指數滿分呀！

【Viu】謝霆鋒啟德騷《Evolution Nic Live進化演唱會》噚晚第二場，全晚亮點要數到女友王菲驚喜現身包廂支持，當霆鋒唱《玉蝴蝶》時，王菲被粉絲捕捉到佢跟住節奏搖擺哼唱，呢首歌據講係佢兩個定情歌，而王菲仲喺男友唱到快歌環節與同觀眾一齊起身熱舞，全程笑容滿面！

【Viu】ViuTV劇集《麻甩媽咪》團隊Jennifer余香凝、黃德斌、Alice許寶恆、陳子豐、「林昇」Desmond、「護士Sisi」張錦霞今日快閃尖沙咀宣傳造勢，向巿民派劇集造型紙巾，逾百途人逼爆成條海防道。

【Viu】美髮造型品牌Dyson為宣傳最新推出嘅專業級美髮科技Dyson Supersonic r™ 風筒嘅家用版，兼Dyson Chitosan™ 造型底霜、造型精華，一連三日（4月25-27日）喺海港城海運大廈入口大堂搞咗個Supersonic r™ 快閃體驗館，仲搵埋男神Stanley@MIRROR嚟「加持」添！

【Viu】《MATCHICAL SCHOOL TOUR 2025》今日就係頭炮，MIRROR嘅Anson Lo、Edan、Jeremy以及COLLAR嘅Candy、Day、Ivy齊齊現身一間中學同師生見面！Day先唱出新作《Wait A Second》同團歌《Trouble Trouble》，Ivy分享：「上次學校表演係全隊，今次以小組形式，有少少失落，個台冇fill得咁滿，但就好有新鮮感。」Day就話：「所以今次我哋期間限定我嘅solo歌《Wait A Second》，好多謝兩位隊友專程去學唱同學跳！」

【Viu】JUST B的Bain在演唱會上公開出櫃，成為第一位出櫃的男偶像。即睇Viu《K1韓娛新聞》！

【Viu】「第四十三屆香港電影金像獎」將喺後日（27日）假香港文化中心隆重舉行，金像獎主席爾冬陞率領一眾董事局成員、本屆部份頒獎嘉賓阿Dee@ERROR、Jeffrey魏浚笙、Locker林家熙、謝雅兒；大會網絡平台直播伙伴「小薯茄」主持程人富、童童、肥蚊、J哥進行拜神儀式！

【Viu】金素恩（金昭誾）昨日（23日）被韓媒爆料戀上足球選手，並已戀愛一年，她事後親自回應事件。即睇Viu《K1韓娛新聞》！

【Viu】由區嘉雯同李琳琳主演嘅電影《從今以後》，繼去年入圍金馬獎4項大獎後，今年再喺金像獎獲得5項提名，包括嘉雯姐繼續有份爭「最佳女主角」；琳琳姐亦入圍「最佳女配角」，兩位當然希望齊齊得獎啦！

【Viu】開心嘅時光過得特別快！話咁快謝霆鋒就唱到啟德騷《Evolution Nic Live進化演唱會》最後一首歌，就係大家期待咗成晚嘅《活著VIVA》！全場企晒起身跟住霆鋒一齊焚，喺後段結他solo部分見霆鋒使出「掌枕抹線」大絕，睇見都心心眼！最後霆鋒唱完就一個型爆轉身、頭也不回離場，首場演唱會喺夜晚10時18分完場！接落嚟3場繼續good show！

今晚霆鋒媽咪狄波拉都有到場支持阿囝，而英皇Family齊齊撐爆大師兄，包括張敬軒、容祖兒、蔡卓妍、關智斌、Gin Lee、衛詩雅、洪卓立等！同場仲有MIRROR「五鏡」Jer、Jeremy、AK、Alton、Stanley同大表嫂Alina，同埋DJ Donald、梁文禮等！快啲去睇實況片！