【viu】一連兩場《洪嘉豪Kaho Live 2024》今晚開鑼，當中Kaho以Black Pink配色look，蠱惑露腰大晒「華納舞王」英姿跳唱《 明星示範生Superstar》，期間不時舉手偷騷腹肌，勁鬼馬！唱到出道作《半天空檔》，院長秒換眼鏡look，加送一吓單眼電暈院友！唱至尾段仲拎住個電話，走到台邊同院友零距離自拍，勁寵粉！

【viu】金馬影帝吳慷仁嘅演技無庸置疑，最近佢喺祝紫嫣自編自導自演嘅新片《但願人長久》中，再度挑戰自己，飾演帶住太太同兩個女嚟香港生活嘅林覺民，由中年演到老年，仲要瘋狂減磅配合道友身份，Respect呀！慷仁哥坦言接拍《但》片係冥冥中自有安排，適逢當時自己父親離世，令佢對劇本中嘅父女情相當有共鳴，仲為咗演活巿井角色，踢拖夜訪深水埗同公園阿伯一齊食煙捉棋，了解老人家嘅生活習慣，笑言當時應該行路行到有「香港腳」；祝導都對慷仁哥塑造角色嘅心力致以無限敬意，仲一度認唔出佢係吳慷仁添呀！吳慷仁同祝導為《但願人長久》落咗無數苦功，最希望觀眾睇完後可以「有嘢袋走」，想知道佢哋透過電影傳達乜嘢訊息，一定要mark實Viu1專訪喇！

【Now.com】內地知名變性主持人金星昨天（11日）在個人社交平台宣布與德藉前夫復婚。金星貼上兩人結婚証的照片後，深情告白丈夫：「十八年後重新登記再結婚，也見證了我們一路的感情和責任。」不少網民都為兩人送上祝福。

【viu】金像獎主席爾冬陞今日現身「第四十二屆香港電影金像獎」拜神儀式，受訪時提到歷屆金像獎都有「座位災難」，指文化中心合共1734個座位，下層只得663個座位供不應求，現要為限制入場人數而感到頭痛，又透露暫時仲爭80幾張飛，希望各單位體諒、理解董事局嘅難處。爾冬陞指今年公眾地方有200個位分派畀fans，以解決往年人流擠塞嘅嚴重情況。

【viu】「第四十二屆香港電影金像獎」將於後晚（14日）喺尖沙咀文化中心隆重舉行，主席爾冬陞今日率領董事局成員代表，仲有大會網絡平台直播伙伴《小薯茄》主持程人富、童童、朱Mic，以及演出嘉賓Dee@ERROR、麗英、岑珈其、伍詠詩、周漢寧等進行拜神儀式。席間宣布邀請康城金棕櫚獎得主、日本著名導演是枝裕和頒發「最佳電影」大獎。

【viu】泰國男神Win Metawin 最近密密嚟香港搵銀，佢今日又喺銅鑼灣出席品牌活動，快閃香港一日就走，佢話好鍾意嚟香港玩同食嘢，尤其燒味飯，如果介紹朋友嚟打咭，會推薦主題樂園，可惜呢幾次嚟都冇機會去，對上一次去玩已經係成十年前啦！

【Now.com】韓國女歌手朴寶藍（박보람）驚傳猝逝消息，終年30歲。所屬經紀公司XANADU Entertainment確認了朴寶藍的死訊，指警方正就死因作出調查，希望外界不要過度猜測。

【viu】「老闆仔」黃梓樂（Sean）憑《年少日記》提名金像獎「最佳男配角」，面對超強對手吳慷仁、謝君豪、李尚正同姜大衛，Sean坦言零信心，但會視金像獎為演員生涯嘅目標，希望將來可以問鼎影帝！年紀細細嘅Sean，仲親繪心目中嘅金像獎獎座，佢形容為「有血、有汗、有淚水」，解釋得頭頭是道，又集氣想同神級影帝同「另類女神」合作，笑Cry呀！

【Now.com】南韓演員柳俊烈與韓韶禧上月被爆出戀愛緋聞，但認愛僅兩周已火速宣布分手，當中引發的多番爭議柳俊烈都未有作出回應。直至今天（11日）柳俊烈才於高爾夫球活動露面，期間他未有正面回答記者的問題。

【Viu】早前IU在台灣開演唱會，柯震東被發現坐在觀眾席前排欣賞，竟遭網民炮轟。即睇Viu《K1韓娛新聞 2024》！

【Viu】 練美娟、陳子豐、米露迪、Gi樊沛珈、溫湯馬仕、Pony蔡寶欣、王雍泰、Zelos黃凱逸同阿Bu陳君浩今日出席ViuTV全新節目《淡季報錯團》記者會，分享去澎湖、蘇梅同越南嘅拍攝趣事，最爆趣莫過王雍泰喺越南畀女技師「抓龍筋」，原來佢話係為咗幫兩位唔好女色嘅兄弟頂硬上，雖然眾目睽睽，好彩冇生理反應咋！

至於娟姐就被子豐連環爆料，除咗冧掂村長幫佢執牛屎外，仲畀強風吹到驚現「UFO」；子豐就被追問敢唔敢同王雍泰交換去抓龍筋，係咪好想知呢位人夫點答呢？

此外，溫湯馬仕畀3位姐姐連環撩，仲迫佢拎埋「第三條安全帶」出嚟，到底搞邊科？大家睇足本訪問就知啦！

【Viu】 阿正今日為品牌活動擔任MC，宣布品牌會舉辦歌唱比賽，由著名音樂監製舒文任評審、Deep吳浩康就係表演嘉賓之一，阿正自爆大學嗰陣有參加過sing con，因而燃起佢個夾band夢！難得見到舒老闆，阿正話唔敢請對方為虎牙監歌，點解嘅？又趁機透露第三首歌快將面世！

近日見阿正冧坐「愛人」Jeffrey開篷靚車，睇片見佢好冷靜，點知佢「控訴」積肥手車：「好得人驚！」又爆Jeffrey連揸車都中二病發作，笑話要等佢甩P牌先敢再坐！

啱啱去完新加坡旅行嘅阿正，慘豬樣話冇艷遇，留待遲吓同「家姐」Hillary去荷蘭再識啲高大靚仔，仲學定德文傍身！咁啱荷蘭正係Jeffrey嘅家鄉，到時有冇機會多一個旅伴？呢趟旅程是咪會同家姐互影寫真相先？係嘅話真係會超級期待！

【Viu】Serrini同許賢今日出席ViuTV節目《漁樂無窮》記者會，唔食魚兼唔識游水嘅賢哥，為節目獻出處男潛水體驗，話唔淆底都冇人信啦，仲畀Serrini踢爆佢驚到變咗某種海洋生物，笑Cry呀！向來走喺潮流尖端嘅樹妮妮，難得去到沖繩出trip，梗係要著到鬼火咁靚啦，估唔到條女連「魚鱗裝」都有，仲放風話下次想著泳裝出鏡，LM等睇呀！

講到節目邀請咗陳柏宇同洪嘉豪做嘉賓，點解唔搵老友林家謙呢？Serrini就咁答喇！想知就睇足本訪問啦！

【Viu】著名演員朱智勛在節目中透露自己曾經是校園欺凌的受害者。即睇Viu《K1韓娛新聞 2024》！

【Viu】P1X3L x 5G完騷直落受訪，先講到P1X3L喺騷入面宣布5.31開九展騷呢個好消息，三子興奮話終於成事，等開騷等到頸都長，單位以「年」去計算！佢哋透露已經排好晒rundown，完麥花臣騷後就開行turbo綵排，有冇嘉賓？三子大賣關子！但近日所屬嘅環球唱片宣傳部「大地震」，佢哋話冇影響九展騷宣傳，對新同事有信心！

提起Andy黎展峯上台做嘉賓玩遊戲，最後仲向George獻吻，佐治抵死笑話好彩避得快，爭少少就錫嘴仔！男男錫呢方面，可以請教Phoebus呢位「前輩」喎！Phoebus話有睇自己喺新劇《瑪嘉烈與大衛系列 絲絲》同小野錫錫嗰part，有咩感受？滿唔滿意？P1X3L仲開聲話之後唔介意拍BL劇添！咁咪變三角戀？Marco BB會揀邊位做情人？

5G繼續keep住個hyper mode，對處女麥花臣演出嗌「收貨」，Sica更自評7分！WinWin爆完咗solo部分一落台就嘔，跟手仲唔覺意做咗一個動作，聽到啲隊友O晒嘴！Ash、Yoyo、Alice同Sica不約而同話瘦咗好多，其中Sica自爆最先瘦喺個胸度，足足冇咗半個cup呀陰功！講起師傅保錡笑佢P圖P咗對「鬼影變幻球」出嚟，Sica大方自首有墊嘢！仲有咩爆笑內幕？使唔使用「還原靚靚拳」恢復？Ash、Yoyo騷前失聲？5G之後繼續出團歌？佢哋又會唔會自薦做P1X3L九展騷嘉賓？去足本訪問片啦！

【Viu】 話咁快《P1X3L 5G On Stage!》就嚟到尾聲！呢個騷又點少得P1X3L x 5G嘅主題曲《逆行星》？等咗成晚終於唱啦！邊睇佢哋8個喺台上面賣力演唱，就邊諗番起佢哋喺台灣公演嘅片段，睇住佢哋一直咁進步真係超感觸！去到Enocre部分，P1X3L同5G揀咗棒棒糖x黑澀會嘅《黑糖秀》，識呢首歌嘅話⋯簡直係出賣年紀！識唱嘅話留言自首！

【Viu】 繼續有《P1X3L 5G On Stage!》實況！5G換上紅黑look再出場，首跳新團歌《Diamond Heart》，呢part真係超驚喜！勁歌熱舞焫㷫麥花臣場內氣氛，霸氣、Sexy兩者兼備！快啲去片驗收5G努力嘅成果！

【Viu】 《P1X3L 5G On Stage!》今晚喺麥花臣開唱，去到尾段P1X3L出場同fans玩矇眼摸pose遊戲！坐台下嘅Andy黎展峯high爆舉手，最後被分派同George一組，至於Phoebus就同Buses一組，過程超爆笑！Andy同Buses「出手」嗰刻台下喪尖叫，當佢哋隻手愈接近重要部位，啲尖叫聲就愈大聲！最後喺派禮物嗰陣，Buses揀咗Phoebus啲私照，而Andy就順應fans「咀佢」嘅意思，真係咀咗佐治一啖，仲要係爭少少就嘴對嘴，OMG！而且佢仲獲得一份超正嘅禮物，P1X3L果然出手闊綽！

完Game後P1X3L再追加好消息！終於！終於！終於！P1X3L真係開騷啦！想知時間、地點？即刻去實況片！

【Viu】 MIRROR雖然身在美國巡唱，但都不忘顧住香港鏡粉㗎！12子第二首英文團歌《Day 0》MV，今晚新鮮出爐，仲驚喜搵嚟NBA超級球星Dame D.O.L.L.A合作，參與Rap部份。而MV都唔講得笑，重金請到曾執導Bruno Mars《Just The Way You Are》MV嘅荷里活著名導演Ethan Lader，孖住Kevin Boston執導，大癲呀！

出名鍾意籃球嘅姜濤勁興奮，拍MV當日仲同工作人員爭嘢做添！「Dame有個咪嘴位，要拍傳波嘅shot，我搶住要傳波，機會千載難逢！」Fans之一嘅Edan都開心到瞓唔着：「Dame係而家NBA嘅Super Star，今次可以同佢合作係好Crazy同夢幻，但其實我哋都覺得，如果我係佢，都未必肯過嚟拍MV，仲要特登錄呢首歌，所以今次好開心。而Dame好Friendly冇架子，又肯同我哋傾偈影相簽名，係一個好友善、好Nice嘅超級巨星。」

Dame對MIRROR亦有讚冇彈：「第一次見到MIRROR，最深印象係竟然會有咁多人去組成一個Group，大家仲要擁有同一理念去達至成功。其實愈多人喺埋一齊，就愈難去做得到做得好，所以我都好奇佢哋點樣做，然後發現佢哋都好專注去做好件事，係一隊好特別嘅組合。」

今次嘅Crossover大家都話好新鮮，AK：「我哋體驗到外國拍攝Crew做嘢嘅方法，佢哋都好有條理去解釋俾我哋聽，慢慢去做。」想睇更多MV製作嘅分享，快啲click入睇片嘞！

【Viu】剛剛迎來結婚兩週年的玄彬和孫藝珍，近日被網民捕獲一家三口在公園散步，照片在網上瘋傳。即睇Viu《K1韓娛新聞 2024》！