【Viu】「表櫈」始祖林峯又出動啦！自佢個紅館騷後，「表櫈」熱潮未有減退，阿峯透露嚟緊走tour都會帶埋呢張私伙櫈，大讚張櫈唔易爛好堅實㗎，更乘機搲撈話可以做櫈嘅代言，超醒！講到古天樂叫佢試埋其他櫈，阿峯就爆笑妙回啦，個答案都幾大膽添㗎！
緊貼報導嘅阿峯話知道MC張天賦想組華納男團「熱帶水族館」，佢坦言都真係可以喎！仲話遲吓約MC食飯傾傾，傾吓音樂上嘅合作！不如打鐵趁熱，華納family show嚟緊8月唱到澳門，阿峯直接join埋一齊咪得囉？講到陳奕迅愛囡陳康堤加盟華納，阿峯竟然話唔知道，但佢指期待同新師妹合作，大讚家族所有人都有實力！
林峯騷後唞咗一日就陪囡囡Luna去主題樂園玩，自爆呢個idea係佢提議㗎，莫非想玩嗰個係佢？問到Luna睇完騷後有冇畀comment？阿峯就扁晒嘴咁，發生咩事？之後走tour會帶埋Luna一齊去？另外，「家姐」宣萱、甚至係網民都成功搵到徐子珊，阿峯會唔會再聯絡？堂妹林夏薇被入稟申請破產，阿峯知唔知情？「都市傳說」《尋秦記》堅係喺明年元旦上映？mark咗期為《九龍城寨之龍頭》做特訓？想知就睇足本訪問啦！
