【Viu】黃秋生、George@P1X3L、蘇玉華等今日為主演新片《不赦之罪》跑10場謝票，聽日父親節眾人都要跑幾場，阿蘇笑稱攰到返屋企「癱咗」，但開心見謝票場全爆。早前忙完舞台劇嘅秋生哥亦找數加入，更自嘲細仔去咗旅行所以唔使慶祝父親節。
講到電影場次排得疏落會否影響票房？首拍電影嘅George坦言心跳、緊張有壓力，但沾沾被觀眾認定係強姦犯而開心。
再提到導演陳詠燊噚日喺網上以「我是歐鎮灝George進入娛樂圈的第一個Hater」為題撰長文，透露身為《全民造星II》99強初選評判時，覺得George態度超差，當初更認為佢唔會勝任《不赦之罪》阿樂一角，點知睇完戲後完全改觀，大讚佢令齣戲變得更精彩，不過George都謙卑認演出「唔得」、「幼稚」。
咁今日蒼井空老師嚟香港搞Fan Meeting，兩位男士又想唔想去朝聖？George更爆Seed原來「留意」開另一位老師喎！想知就睇足本訪問片啦！
