【Viu】尖沙嘴大富豪今日重開，搵嚟前AV天后蒼井空擔任剪綵嘉賓，吸引半百傳媒、過百途人兼fans圍觀，現場超墟冚！惟當蒼井空現身時引嚟小騷動，場面較混亂，亦疑有職員示意醒獅位置不得超過門口，故全程儀式要匿埋喺大門後進行，實屬罕見！
蒼井空以一襲超Deep V、高衩貼身紅色長裙索爆亮相，大晒4吋驕人事業線、S型魔鬼曲線，勁火辣、超噴血！雖然蒼井空已屆44歲兼生咗對孖仔，但身材完全零走樣，同當年喺AV界稱后嗰段時期無異，風采依然keep得超好！蒼老師喺影相環節又喪放生電同派心心，kawaii呢！
隨後蒼老師受訪，入鄉隨俗用廣東話打招呼，真係冧死人啦！佢話自結婚生孖仔後，已經有成6、7年冇接出埠job，所以今次嚟香港係寧舍開心，最感動係好多fans都仍然記得佢！呢次蒼老師快閃「襲」港，如果畀佢揀3件事嚟做，佢會做啲咩？今晚就舉行fans meeting，蒼老師準備咗啲咩同fans互動？最後佢仲留咗段愛的message畀fans，想知就快啲睇足本訪問啦！
