【Viu】今日父親節，三位型爸陳豪、森美、Alex林德信同金像獎「最佳男配角」朱栢康出席品牌活動，Alex首次以嗲哋身份過節即「出閘」吸金，出門前獲囡囡錫錫打氣，今晚同嗲哋林子祥慶祝，笑言最想甚少影相嘅爸爸答應肯影返張三代同堂靚相咁話！
笑問朱康想唔想沾三位型爸嘅旺氣做「金像嗲哋」，佢就大呻連女朋友都未搵到，Alex即刻話可以介紹靚女畀朱康，聽到朱康即刻Bling Bling眼喎！朱康透露早排喺台灣拍劇，卡士強大，仲預告「朱凌凌」錄咗新歌，但未知會唔會派台，咦！到底「朱凌凌」點先肯「出山」呢？朱康話只需要符合一個條件就OK！
此外，森美自嘲今年父親節孤苦伶仃，事關老婆同阿女去咗歐遊，得返阿仔陪自己，都會同爸爸三代同堂食飯，仲話太太今次都係用返上次出事嘅中介網站訂酒店，好大方喎！講到噚晚捧音樂劇《三八》場，森美坦言喊到七個一皮，仲激讚「生力軍」Tiger同Chantel添，想知就睇足本訪問啦！
