【Viu】台灣男神許光漢、Angela袁澧林、監製張艾嘉、文念中同導演龔兆平今日現身昂坪巿集，出席新片《他年她日》亞洲記者會，亦係許光漢退伍後首個公開活動，吸引大批「許太太」捧場！許光漢直言正努力適應復工跑行程，預告稍後會參演《鬼家人》導演程偉豪嘅新作。對於有傳佢自組公司，光漢就親解只係角度轉換；亦否認將會參演荷里活鉅作《尚氣2》，笑言自己要努力打入漫威世界！而Angela就分享許光漢講過嘅當兵趣事，原來同牙刷有關，真心幾好笑！
至於張姐、龔導同文念中親解選角原因，張姐感謝許光漢一口答應，加上香港拍攝辛苦，所以經常煮嘢食慰勞台前幕後。對於Angela自認「抄襲」佢個髮型，連許光漢都覺得似，張姐就搞笑回應，仲分享埋得到釜山電影節「山茶花獎」嘅感受添！想睇吓許老公退伍後有幾Fit就睇足本訪問啦！
