【Viu】舞台劇《等待果陀》一眾主演林家棟 x 朱栢謙 x BabyJohn x 倪秉郎加導演鄧樹榮現身記者會，家棟事隔15年再接演舞台劇，指一直以嚟喺時間上應付唔到，咁今次接演原因又係咩呢？
家棟唔止參演咁簡單，更幫手將逐句台詞翻譯，為迎合香港觀眾仲加咗「最地」嘅粗口對白畀朱謙添！除咗被眾人踢爆佢已經背熟劇本，家棟自爆每日臨瞓前都繼續背，到瞓嗰陣已經係朝早6點，又會發夢夢到意境，咁樣會唔會逼得自己太緊㗎？與此同時當朱謙知道partner開行turbo，又會唔會壓力山大？美版《等待果陀》由荷李活巨星奇洛李維斯主演，佢哋會參考一下？
郎哥同BabyJohn呢次係演主僕關係，所以BabyJohn笑話要係咁點郎哥做嘢，一開始都有啲唔好意思！二度接演同一劇目嘅郎哥，指今次演唔同角色，雖然得一句對白，但就有大量嘅互動位！BabyJohn喺記者會自爆曾睇同劇演出，睇到瞓着，莫非就係睇郎哥主演嘅嗰一次？兩位今次同「新人」家棟合作有咩感受？
BabyJohn又指估唔到一別劇場13年，一嚟就打孖有兩套舞台劇參演，一完記招就要趕返壽臣準備《我推的男子》嘅今晚演出！《我推》現公演咗6場，BabyJohn開心share兩件演出趣事！佢又笑指有邀請郎哥、家棟去睇，希望幫兩位開一開「腐眼」！
「試當真」白金像獎日前舉行，朱謙失落「最佳新演員」嗌好彩！另外，資深演員黎宣8月尾離世，家棟無懼風雨送別師母，佢更指師母離開當晚自己有在場，走得好安詳，續哽咽謂訓練班後都有keep住聯絡，感情深厚，有好多回憶，所以都好不捨、感到戚戚然，家棟喺訪問後即走埋一邊抹眼淚。先去片睇足本訪問！
