【Viu】「家姐」Hillary劉沛蘅搵埋Hazel林熙彤參加夜跑活動，笑話留返啲腳骨力下年再戰咁話，見到海報上原來有「爺爺」岑珈其份，家姐指雖然爺爺跑得快，但持久力唔得，真係咩都畀家姐看透呀！
講到《膠戰S4》眨吓眼就播晒，家姐都話好唔捨得，播完嗰刻都覺得好空虛，希望遲吓六膠gathering嗰陣再公開爭取拍《膠戰S5》，各位膠迷就靠晒你哋啦！家姐成今輯嘅大贏家，最終贏咗棵名為「劉沛蘅」嘅榴槤樹，唔知家姐有冇試味？會唔會因為「劉沛蘅」而愛上食榴槤？
《膠戰S4》嘅其中一個Game係叫六膠估馬來文，喺估「凍膠（單身）」嗰陣，Jeffrey對住阿正衝口而出話：「得你之嘛！」莫非Hillary依家拍緊拖？而問到家姐有冇關心Jeffrey生蕁麻疹？家姐勁firm秒答：「冇！」然後再加埋個招牌花花笑容，Jeffrey見到都應該嬲唔落！
前度Ken洪卓立近日痛失愛犬「肥膏」，家姐表示有見狗狗最後一面，都好傷心，更令佢珍惜同依家兩隻狗狗嘅相處時間，講到有網民惡意攻擊Ken，家姐心痛話唔希望見到有人落井下石！
Hazel開心宣布業已畢，可以瞓身投入演藝事業！前排參與East Day聯歡會，坐VVVVVIP位免費聽子華神唱《藍天》，真係葡萄死人啦！未知Hazel係咪同子華神合作？另外，佢透露籌備出相集，順便幫埋家姐出寫真？Hillary遲吓又會唔會撐Ken開騷？想知就睇足本訪問啦！
