【Viu】由「鬼王」潘紹聰主理嘅網台節目「恐怖在線」，連續三年喺農曆七月宣布年度鬼故事舞台劇，今年以猛鬼酒店做背景，認真夠晒貼地！鬼王仲搵嚟阿Dee@ERROR、Candy@COLLAR、「三朝元老」麥沛東加梁嘉進呢幾位猛人助陣，唔知今次個故事係會有幾嚇人呢？
鬼王劇透故事圍繞一個電台嘅都市傳說，相傳每當DJ一喺夜晚播麥潔文首經典歌《夜夜痴纏》都會撞鬼，所以呢首歌亦被稱為「禁歌」！阿Dee同Candy夠唔夠膽播嚟聽先？佢哋又點睇呢個都市傳說？
其實唔止電台多怪事發生，電視台都絕對唔惹少，難怪阿Dee、鬼王爭住share靈異怪事啦！講到興起之際，佢哋即場各自追加多一單鬼故，當中阿Dee、Candy所講嘅故事更係佢哋嘅親身經歷添！想聽吓有幾恐怖就去片啦，然後留言話畀小編聽邊個鬼故最恐怖！最後溫馨提示，小心睇睇吓片隔離多咗個「朋友仔」一齊睇呀⋯
