【Viu】「神級影帝」梁朝偉今晚出席銀行活動，除咗分享理財心得，仲預告將會四出宣傳首部歐洲電影《Silent Friend》，好快會再見大家。偉仔興奮咁話好開心新片喺威尼斯影展大獲好評，事關起初以為唔多人睇得明，所以就算失落影帝都唔失望，偉仔仲激罕沾沾咁話：「都攞過咁多咯！」小編聽完都好想幫佢撥一撥頭髮添呀！講到片中嘅全裸戲份震撼觀眾眼球，偉仔又爆金句：「邊度勁得過《色，戒》呀！」真係So Funny呀！
至於早前現身釜山電影節令韓國影迷瘋狂，偉仔竟然擔心過冇乜人嚟聽Open Talk，仲親解鬼馬枱底派心嘅原因，最後亦有應要再派心，呢位大I人今日驚變「E Max」呀！
向來識得享受生活嘅偉仔透露，稍後會參演杜琪峯新片，但幾時開拍就唔係自己話事，咦？咁早排同周潤發一齊食飯係咪有玄機呢？偉仔又點樣回應韓國男神宋仲基嘅「愛的呼喚」呢？大家梗係要睇足本訪問，齊齊感受吓影帝有幾風趣啦！
