【Viu】鄭嘉穎、Dada陳靜、朱晨麗等噚晚出席電影《焚身》首映禮，嘉穎分享打算點樣幫太太陳凱琳慶祝生日，仲預告會撇甩兩個囝囝過二人世界。對於林作挑機舅仔嘅血緣，嘉穎話：「唔回應就係最好嘅回應！」而太太同自己嘅心情都冇受影響。
此外，Dada話擔心拍箍頸戲嗰陣，擔心整親朱朱，仲特登上網Google佢嘅資料，發現朱朱拍動作戲多過自己；朱朱反讚Dada細心，最後一take過完成。
唔再被虐待今次終於做打人嗰個 Dada：「有場戲要箍頸我好擔心」
唔再被虐待今次終於做打人嗰個 Dada：「有場戲要箍頸我好擔心」
