【Now.com】近年專注在內地發展的周柏豪(Pakho),先後參與了多個綜藝節目,包括《聲生不息》、《披荊斬棘2》、《大灣仔的夜2》等,亦不時更新社交平台與粉絲互動。不過,近日網民就把焦點放在他使用簡體字發文上,問他為何不使用繁體字出Post,引來抨擊。昨日(22日)周柏豪現身宣傳新歌時就回應,指因FaceBook上新加坡及馬來西亞粉絲較多,所以用簡體字方便他們閱讀,不介意負評!
久未在香港露面的周柏豪昨日(22日)現身電台為新歌《小船大海》宣傳,透露已與「星夢」(現名TVB Music Group)結束賓主關係,音樂方面將會跟經理人公司合作,希望脫離大公司後,嘗試新模式。至於帖文被圍攻,Pakho淡然回應指:「因為自己Facebook觀眾層係星馬粉絲多好多,而星馬係用緊簡體字,咁所以都會用返佢哋睇得舒服啲嘅文字同佢哋溝通,寫嘅時候無特別想法,只係想用佢哋嘅習慣字體去寫。」
被問及經常被針對有否感無辜,Pakho就指不覺得無辜,認為自己身為藝人可以讓人評論,不會有壓力。「其實對我冇乜大嘅影響,因為好多時都唔係我Post。但有時我Post嘅時候,當然我會自我審查我Post嘅嘢正唔正確。但係亦都唔會話驚有好多負面嘅評論,而要拒絕Post一樣我覺得啱嘅嘢。」
其實周柏豪用簡體字出Post並非新鮮事,翻查他的Facebook,自去年8月《披荊斬棘2》播出後,他就開始轉用簡體字分享相關帖文,而Instagram就仍然用繁體字。Pakho轉用簡體字後,不少Post都引來香港網民留言「點解要打簡體字?」惟之前一直未有回應。不過,亦有粉絲認為簡體字全球通用,並無問題。
Photo/FaceBook@周柏豪 Pakho Chau