【viu】台灣樂團蘇打綠事隔8年再嚟香港舉行演唱會，《二十年一刻》噚晚喺紅館開鑼，四面台全場爆滿，勁呀！團長阿福感性表示蘇打綠一路走來唔容易，感謝大家等待，並細數四次巡演加埋今次，演唱會都係從香港起跑，青峰立刻回想起：「小威第一次求婚、家凱第一次在台上褲子破掉，也都是在香港。」真係好愛香港歌迷！
演唱會概念以春夏秋冬為主軸，特別邀請國外製作團隊，打造LED四季四面台，以及雙X形天地漂浮光廊。一開始，團員以純白色服裝亮眼登場，象徵蘇打綠走回音樂嘅最初，並以春為主題接連演唱《日光》與《早點回家》等歌曲揭開序幕。
巡演開賣前，主辦單位不斷提醒歌迷必須遵守不拍照不錄音等規定，蘇打綠好貼心，喺現場贈送每位入場觀眾一個「二十年一刻手機袋」，並播出一段團員特別錄製嘅廣播稿，提醒觀眾朋友「人在做天在看」，結果大家都好乖，團員們亦喺安歌部份加碼獻唱一首從未曝光過嘅新歌。
