【Viu】今日《CHILL CLUB推介榜 年度推介23/24》記者會勁熱鬧，英皇3唱將Gin Lee、泳兒、鄧小巧除咗有歌入圍流行歌曲獎外，更分別角逐年度女歌手，喂呀左右手都係肉，點揀呀！
小巧處女入圍CHILL CLUB，驚訝原來自己都有好多歌入選。而Gin Lee同泳兒話反而期待做表演嘉賓喎！講到Gin Lee仲回味緊拉闊同Jeremy跳辣身舞，小巧搞笑話摸老公白先生就摸得多，都想試吓俾人摸吓，好大膽呀！
而Finally步「師姐」麗英後塵加入樂壇，仲有份角逐年度組合同MIRROR爭獎喎，程人富話爭吓新組合已經好開心。麗英又爆睇住後輩成長好開心仲忍唔住喊添！講到同男神Ian同場，佢就怕醜話唔敢行近呀，勁Cute！
