【Viu】再嚟一個金像獎專訪！今次嘅主角係女神Kay謝安琪！憑《4拍4家族》入面「阿Cat」一角，首度入圍金像獎爭影后！仲要好事成雙，由佢主唱嘅電影主題曲《毋忘》更角逐埋「最佳原創電影歌曲」，難怪女神話當時打孖咁收到入圍通知後，喺條街度忘我爆喊！而出名係「愛妻號」嘅老公張繼聰就梗係喺隔離分享喜悅兼拍手鼓勵！
Kay超感激喺電影路上有張先生嘅陪伴、支持，畀咗好多寶貴嘅意見，令佢對演戲有更多領悟，又即席冧豬分享最深刻嘅一次comment！要點名多謝嘅人仲有老公嘅「另一半」白只，事關Kay搵咗白只做佢嘅戲劇老師，Kay對呢位老師又點高度讚賞呢？回望當年由歌手轉型做演員，Kay坦言遇過低潮期，究竟咩事令到佢咁氣餒？另外，如果畀女神新增設一個金像獎獎項，佢會想表揚邊個單位？即刻去片搵答案！
