【Viu】《第四十二屆香港電影金像獎頒獎禮》今晚於文化中心隆重舉行，除咗獎項之外，紅地氈同樣吸晴，一眾入圍者當然Sharp醒，子華神仲用金句代表《毒舌大狀》團隊公開爭取想拎獎：「雙雙對對，濕濕碎碎！」笑Cry呀！
至於同樣入圍影后嘅Kay謝安琪同Jennifer余香凝都攜眷出席，張繼聰瘋狂氹老婆已經係常識，估唔到Jennifer老公好反高潮，嫌攰唔肯生多個！入圍男配嘅姜大衛，亦同太太李琳琳合體放閃，三對夫妻都好sweet呀！
此外，年紀細細嘅「老闆仔」黃梓樂，獲提名「最佳男配角」，仲自爆叫「準影帝」小野做「爸爸」，又話今日先知佢原來已經37歲，喂呀！老闆仔咁搞笑得唔得㗎！
