【Viu】《打天下2》打到嚟啦!噚日首播精唔精彩?勁唔勁揪?想率先了解接下落嚟嘅劇情?咁就真係要問問「馬剛正」歐錦棠啦!再次同AK@MIRROR合作,棠哥笑話事前有同老闆約法三章,希望佢戒甩某幾件事,以更貼近角色「志浩」,最終AK就梗係超額完成啦!棠哥又追加踢爆AK一個小秘密添!
第二季仲有多一位MIRROR成員自薦加入,就係⋯有武術底子嘅Tiger!棠哥專登為虎仔度身訂造一個勁打得嘅角色,出到嚟嘅效果令棠哥讚不絕口,亦話對Tiger嘅演技超有驚喜!另一令棠哥大讚嘅,就係「世一」劉慕裳,一提起劉慕裳,棠哥呢個小fans即刻勁hyper,話現場睇劉慕裳出招睇到心心眼,又爆對方嘅演繹整喊全場所有人!
務求為觀眾帶嚟更多視覺衝擊,棠哥喺《打天下2》嘅武指方面再加碼,演員們絕大部份親身上陣,當中少不免有意外發生,棠哥坦言最心痛談善言斷韌帶傷勢!另外,棠哥對《打天下2》嘅上心程度非旁人能想像,自爆out筆貼足「一球」!Respect!憶述同幕後團隊對答,嗰團火搞到棠哥感動到流男兒淚!睇專訪、睇《打天下2》撐爆棠哥!