【Now.com】藝人張致恒(Steven)與太太區燕雯(雯雯)的婚姻關係時好時壞,雯雯更不時在Instagram數臭Steven,亦不時嗌離婚兼呻窮,被稱為「離婚界KOL」。早前張致恒透露過自己在茶餐廳翻新工,又一家六口為大仔天寶慶祝5歲生日,本以為張氏一家生活慢慢好轉之際,老婆雯雯今日 (16日)突然在社交平台大爆屋企被Cut電力,再次怒轟老公!
相關文章:張致恒認借大耳窿疊碼仔 控訴網絡欺凌
雯雯今日(16日)以黑底白字在Instagram發限時動態,怒吼被CUT電:「要發生嘅,終於都發生。你終於都令到屋企發生俾人cut電,完全已經唔係容忍嘅範圍之內。小朋友又冇得煮嘢食,又冇熱水沖奶,不停喊,請問你想我點?﹗」話語中疑指責老公張致恒因無交電費,令住所被斷電。至下午4時,雯雯再在限時動態以黑底白字寫道:「電話準備熄。」,似乎連電話的電池亦將耗盡。網民都十分擔心4名小朋友的情況,更有人猜測張致恒是否又再「三分鐘熱度」,已放棄在茶餐廳工作。亦有網民認為雯雯又推小朋友出來「博同情」:「又搵小朋友出嚟情緒勒索」、「一定又有人捐錢」。
張致恒早前在社交平台晒出為大仔張天寶慶祝5歲生日的照片,當中包括一家六口外出食飯切蛋糕的合照,又感性配文寄語仔仔:「我冇咩嘢寄望,只係寄望你快高長大、健康成長、努力做人,千祈唔好好似daddy咁失敗,所有嘢都一事無成!」當時更獲網民留言鼓勵:「你開始生性都唔遲呀」、「加油吖唔好比人睇死」。
根據中電資料,如客戶未能如期繳交電費,將被徵收5%的附加費。在個別情況下,拖欠電費可導致電力暫時停止供應。如中電有計劃停電,或因客戶遲交電費,而要截電,中電會以書面形式通知客戶,再以電話直接與受影響客戶聯絡。
PHOTO/Instagram@stevencheung、Instagram@ugly__mama