為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
【Now新聞台】收藏藝術品在香港日漸普遍，有家族辦公室認為，藝術品較其他資產更具抗跌力。此外，有銀行看準機遇提供相關融資服務，協助投資者釋放藝術品價值。
過往香港曾被稱為「文化沙漠」，但今時今日已搖身一變，成為全球3大藝術品交易市場之一。
畫廊創辦人林明珠說:「點解我哋係亞洲咁緊要嘅Art World？因為我哋有好好嘅美術館，已經已成為一個好好嘅infrastructure，亦都可以reflect到(香港)已經唔再係Cultural Desert(文化沙漠)。」
除了欣賞藝術，亦有不少高淨值人士視買賣藝術品為另類投資。
家族辦公室協會副主席郭興業說:「藝術珍品基本上同金融市場嘅股票、債券及基金，一般來講，佢嘅關聯屬性比較低，所以抗跌性非常強，如果呢啲藝術真品出自名家手筆，或者過去喺拍賣市場入面有過唔錯嘅交易紀錄，佢喺市場好稀缺。」
本港近年致力拓展家族辦公室市場，家辦協會認為，在拍賣場以外仍隱藏不少「寶藏」，有待「尋寶」。
郭興業說:「如果傳統家族佢哋持有嘅藝術珍品有幾多係，我哋叫『冰山一角』，我們早前亦有同唔同嘅拍賣行溝通，其實拍賣行都好想多啲高淨值客、家族客，攞出佢哋屋企一啲傳世家寶出嚟，會唔會可以攞嚟委託佢哋做拍賣，
或者評估價錢。」
個別家族希望以藝術品傳承文化及價值觀，因此，有私人銀行看準需求，協助收藏家以融資等方式，釋放藝術品價值，一般貸款價值比率約50%。
滙豐環球私人銀行亞太區信貸顧問服務主管華御祺(Jyrki Rauhio)說:「當藝術品存放喺倉庫時，佢會產生成本 ，會產生保險費用、儲存費用及其他費用，因此，藝術品融資嘅本質就係讓資產更『賣力』，(客戶)會捉住機會利用這筆資金，可能會買新藝術品，或者買一家公司，亦可能會買一棟房子，呢筆資金唔一定係長期資金，而係通往長期資金嘅橋樑。」
銀行認為，融資是藝術生態圈重要一環，未來仍有增長空間。
華御祺說:「我認為這個同香港政府引入家族辦公室嘅努力相關，佢哋可能更熟悉呢類產品，我哋客戶擁有嘅珍貴藝術品數量正在上升，你好快就會發現依家係一個好時機，尋找其他融資渠道，我確實睇到需求正在增加。」
他又認為，本港倉儲空間不足，下一步如何為價值不菲的收藏品提供妥善收儲服務，是需要解決的問題。
