抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
【Now新聞台】截至早上11時止，過去1小時內《彭博》用戶搜尋量最多港股，依次為美團、西部水泥、快手、美高梅中國及聯想集團。
美團今日(16日)沽壓沉重拖低大市，係半日包尾藍籌，集團昨日(15日)有消息，集團未來3年會掟1000億人仔補貼餐飲商家及消費者，但對股價冇影響，點解今日又大跌？同京東集團有冇關？
資深證券分析師彭偉新指，美團同京東係主要競爭對手，透過競爭政策搶市佔率，但其實對盈利冇好大推動力，甚至產生負面影響，早於1年前，京東曾動用1000億人仔補貼用戶，令用戶數量大增，但當時市場唔buy，消息一出，京東股價就跌唔停。
Castor認為，今次情況同上次好相似，上次京東喺冇競爭對手下出招都跌到一仆一碌，今次美團明顯要同京東爭，市場擔心價格戰及補貼戰會升級，所以美團股價今日插穿250天牛熊線，跌至近期低位，加上今日市況轉弱，令原本冇打算沽貨嘅投資者都減磅，令沽壓進一步加大。
Castor建議，改善自己營運，令使用者有更好嘅購物體驗係一個良性競爭，但用補貼方法則未必能夠吸納新用戶，增加成本之餘仲可能加快客戶流失。
