【A&M Diary】近排想搵抵食嘅Omakase，首推位於尖沙咀嘅鮨燐！鮨燐近期推出期間限定嘅週年祭，食材每日由北海道、九州、沖繩等地空運直送，夠晒新鮮。我哋午餐時段共18品，其中13貫係壽司，當中竟然有馬糞海膽，而每位只係HK$588，即睇性價比高唔高先！
開胃沙拉 + 蟹肉茶碗蒸
開胃前菜由沙律開始，蔬菜清新爽脆；至於茶碗蒸非常滑溜，淡淡都充滿鮮甜的蟹肉味！
13貫壽司 + 蔥拖羅手卷
蜜柑鯛：飼料中加入蜜柑皮，令油脂豐富的魚腩部位帶有淡淡果香，非常清爽
伊佐木：魚肉嘅肉質雪白通透，脂肪同樣豐厚，肉質柔嫩，淡淡魚油嘅豐富口感
鹿兒島間八：間八即章紅魚，作為淡口味嘅魚，配搭上北海道味噌，增加鹹香味道，令層次更豐富
牡丹蝦：蝦肉彈牙而且非常鮮甜，夠晒新鮮，真係口味到唔捨得呑落肚
扇貝：配上酸柑汁嘅扇貝夠晒醒胃，作為Omakase嘅中段分水嶺，實屬適合
墨烏賊：表面微炙後，令爽口嘅墨烏賊加添一份焦香味
