【A&M Diary】大排檔絕對係老香港的代表，而上環嘅勝香園絕對係我最喜愛嘅傳統港式大排檔！平日食飯時間，總係大排長龍，所以今日特登同A姐揀weekend嚟，人龍無平日咁多，等咗一陣就有位啦！勝香園除咗好味，仲有人情味，因為每次嚟到，見到依舊嗰班侍應婆婆，仍然身壯力健，就覺得好安慰。
牛油檸檬汁蜜糖脆脆
嚟到勝香園，又點少得招牌嘅檸蜜脆脆？酸酸微微嘅檸檬汁，好清新又開胃！至於個包就超脆，口感如餅乾般鬆脆。
奶油脆脆
奶滑油香，甜甜哋，好好味！同樣哋，佢個脆脆係永無失望咁鬆脆！
