啟德場內一片紅海。
(筆者提供)
【Now Sports】不是上場90分鐘以外絕殺，港隊周二晚迎戰孟加拉，啟德主場又接近坐爆情況下，被對手逼和1:1，在下半場踢少一個最後和波，支持者可能未盡興，只是踢波、睇波有時就是這樣，主攻、主守，好睇形勢，這種睇住支持球隊要守波，總會有點不太好受感覺，尤其主場。
撰文：沙維斯達
整場比賽來說，港隊踢來有點力不從心，是上場去得太盡，回不到狀態？作客後再來短時間迎戰對手，體力都是考驗，進攻明顯死火，孟加拉用波能力其實並非球迷想像般差，下半場換入的後備球員，令兩邊能力加大，結果港隊被破門一球，對手邊路送門前撞入。
作客絕殺後，回到主場和波，球迷感覺始終有落差，有時要撐球隊，考驗就是這些位。只能說場內紅海一片，氣氛依然超正，新的Tifo面世，又一次推高主場氣勢，廣東話打氣聲、觀眾起人浪，都是香港睇波特色。支持，有時不需計較太多，百多二百元買張飛入場的價值，值不值當然見仁見智，感受比賽中帶來不同感覺，同睇演唱會不同，不但是欣賞，更要投入去比賽中。期望下場再順利買飛入場，因為買到飛難度加大了，祝各港隊球迷好運！
撰文：沙維斯達
從足球中尋找快樂與生活費
