【Viu】葉振棠今日出席《葉振棠80告別樂壇演唱會》記招，宣布6月23日舉行人生首個紅館騷兼封咪，仲話已廣發英雄帖，邀請劉德華、葉麗儀等好友撐場，但未知大家檔期。
而主辦更罕有安排一Part武術戲碼踩台，棠哥話都考慮緊要唔要耍返兩招。終圓紅館夢，棠哥話要唱足起碼40首歌，因為眼疾睇唔到提詞機，只可靠記憶記歌詞。
棠哥又自嘲年紀大問題多，舊年先後中Covid同生蛇生上面，食麵包都要用半粒鐘。不過今日見佢精神好好，開多幾場應該冇問題。
足本訪問： 80歲葉振棠克服眼疾6月首度紅館開騷 同時宣布「封咪」 直認年紀大去年生蛇苦不堪言
足本訪問： 80歲葉振棠克服眼疾6月首度紅館開騷 同時宣布「封咪」 直認年紀大去年生蛇苦不堪言
